MANUFAHI (timorpost.com) — Komandu Polísia Munisípiu Manufahi sei garante seguransa ba eleisaun xefe suku, xefe aldeia no delgadu/a sira iha munisípiu Manufahi no situasaun sei la’o ho di’ak to’o susesu.
Komandante polísia Munisípiu Manufahi, superintendente Joni Viana das Regras hateten, polísia sei fo garantia ba ambiente pás no dame ba eleisaun suku iha Manufahi.
“Ita nia efetivu ne’ebé sei hatún ba asegura ba eleisaun kuaze ema nain atus 150,” dehan Komandante Joni ba jornalista iha Same, Segunda (23/10).
Aleinde polísia sei hetan mós apoiu husi forsa amiga hanesan komponente Naval F-FDTL Postu Betano, bombeiru, seguransa sivíl inklui diresaun saúde.
Nia apela ba sidadaun hotu iha Manufahi katak, iha loron 28 fulan-Outubru tinan 2023 hotu-hotu sei ezerse diretu hodi hili lideransa komunitaria kada suku no aldeia.
“Tanba ne’e povu mak sai vitória ba kandidatura sira ho ida ne’e husu hotu-hotu atu nafatin kria paz no estabilidade iha munisípiu Manufahi,” nia fo hanoin.
6,886 total views, 3 views today
Bele hare Video Seluk :
Subscribe to Timorpost
