DILI (timor post.com)–Governu liuhusi Ministériu Juventude Desportu Arte Kultura (MJDAK) hamutuk ho Federasaun Voleiból Timor-Leste (FVTL) hahú abertura ba liga voleiból Timor-Leste primeiru divizaun 4 Époka loron 24 fulan Outubru tinan 2023.
Prezidente komisaun organizadora, Cândido da Silva Pinto hatete, sei iha ekipa hamutuk 13 hanesan ekipa feto neen, Ad-SLB, Fitun Lorosa’e, ADR- Uniao, Choque, Joh Tomi no Assalam, enkuantu ekipa mane hanesan, K-Link, Choque, Ambeno, USET, Espadda, AD-SLB no Bandidu Qualidade sei kompete iha liga ba primeiru divizaun ne’e.
“liga ne’e foin hahú fali ho razaun tanba ita foin livre husi situasaun sira iha tinan hira nia laran sai ameasa tebes mai ita iha tempu emerjénsia Covid-19 depois tama tinan polítika, eleisaun Prezidensiál, parlamentár ho nune’e la realiza”. Nia haktuir ba jornalista sira iha (GMT), (24/10).
Prezidente Komisaun ne’e haktuir, objetivu liga voleiból primeiru divizaun 4 époka atu promove kualidade voleibolista sira iha Timor-Leste atu kompete iha tournament nasionál no mós internasionál.
Kona ba Prémiu ba vensador feto no mane, primeiru lugar rihun 8.00 USD, segundu lugar rihun 6.00 USD, terseiru lugar rihun 4.00 USD no Kuartu lugar rihun 2.00 USD.
Torneiu ne’e rasik hetan fundus husi governu liu husi MJDAK ho orsamentu ho montante dolar Amerikanu rihun 72, 400.00 USD.
2,776 total views, 3 views today
Bele hare Video Seluk :