DILI-Ema na’in 5 kanek grave no na’in 5 seluk kanek Kaman tanba hetan asidente karreta Baskulante ho Grand Max soke malu iha area Rusu-gua Ainaru vila dalan Protokolu, tanba kondutór halai ho velosidade makas no lakon kontrolu iha kruzamentu.
Komandante POLTRANS Ainaru Sarjentu Xefe Marito Coelho relata ba media Lian Orluli ne’ebé Timorpost.com asesu, Doimingu (26/05), katak Karreta Baskulante Diresaun Postu Hatobiliku halai ho velosidade makas ho mudansa tolu, to iha Kurva lakon kontrolu tanba namdoras hodi soke Grand Max ne’ebé ho diresaun Covalima ba Maubise, rezulta ema na’in 10 kanek iha fatin, husi na’in sanulu Refere na’in lima kanek grave no lima seluk kanek kmaan.
Kronolojia, Karreta Baskulante ida hosi Hato-Builico tula modo rata bak, tula tan modo-na’in sira ne’e bain hira liu iha Sentru Saúde Ainaru oin halai ho velosidade makas (mudansa 3), aumezmu tempu udan no halo dalan namdoras, to iha kurva kondutór ladún iha atensaun no kuidadu maka la konsege domina dalan ho di’ak ikus mai soke.
Karreta Grand Max ida mai hosi oin, Mai hosi Suai atu ba Maubise hodi partisipa Saudozu Meta malik-nia funebre.
Komandante ne’e hatutan tan, “Ajudante/konjak hosi kareta Baskolante nian ne’ebé hetan baku , bainhira POLTRANS seidauk to iha fatin akontesimentu, hafoin ekipa POLTRANS to iha fatin akontesimentu situasaun la’o di’ak no lori kedas karreta 2 no kondutór parte 2 ba halo identifikasaun maibé laiha ema ruma mak ko’alia sai akontesimentu baku konjak ne’e, hafoin hare iha Facebook foin hate Sidadaun na’in rua hetan baku husi komunidade sira”, Hatutan POLTRANS ne’e.
Enkuantu kondutór sira Submete ona ba iha prosesu investigasaun, Tanba vítima barak mak sei iha ospitál. Vítima hosi parte Grand Max nian na’in 8, hosi parte Baskulante nian na’in 2. Husi na’in Sanulu ne’e na’in rua transfere kedas ba Ospitál Guido Valadares Dili, Nain tolu Ba Hospital Referál Maubise, na’in Lima tratamentu iha Sentru Saúde Ainaru.
Entretantu Ajudante husi Baskolante grave tanba hetan baku husi komunidade.(Fonte Lian Orluli)
3,243 total views, 9 views today
Bele hare Video Seluk :
Subscribe to Timorpost
