ADVERTISEMENT

Asidente Iha Motaél, Joven Ida Lakon Vida

Mario da Costa - Defesa no Seguransa
Jornalista : Beatriz Belo
Editor : Mário da Costa
  • Share
Domingos Sarmento Gama, Imajen TP/Beatriz Belo

DILI (timorpost.com) – Komandante Tránzitu Munisípiu Dili, Inspetor Xefe Domingos Sarmento Gama, hatete horisehik Kuarta (07/2), iha oras 02:00 madrugada asidente ida akontese iha portu Dili nia oin, Suku Motaél, rezulta joven ida ho naran Deonizo da Costa Santana, mate fatin.

“Asidente ida horikalan Porvolta 02:00 madrugada, ita-nia sidadaun ida naran Deonizo da Costa Santana, mak konduz motorizada no diresaun mai husi Igreja Santo Antonio Motaél, atu ba iha Palásiu do Governu, to’o iha Portu Dili nia oin hetan asidente,” nia dehan ba jornalista sira iha nia knaar fatin Komandu PNTL Munisípiu Dili, Kinta (08/12).

ADVERTISEMENT
SCROLL FILA BA NOTISIA


Nia dehan, asidente akontese iha portu Dili nia oin ne’e, Matebian Deonizo da Costa Santana, mak konduz motor ho sapa matrikula R 9811,  hafoin nia hetan asidente mesak la envolve karreta ho motor.

Lee Mós :
Governu-KOIKA Fó Treinamentu Desportu ba Joven Na'in-23

“Tuir informasaun katak, matebian asidente, tanba kodisaun lanu, parese ke ba partisipa festa ruma ou partisipa atividade serimónia ruma ou balun bele ba ho kolega ka família sira hemu lanu, entaun fila halai ho velosidade makas hetan soke ai-hun portu Dili oin, hodi rezulta ita-nia sidadaun ne’e mate fatin kedas,” nia konta.

Nia hatete, hafoin akontese asidente parte investigadór to’o iha fatin, Sidadaun ne’e lakon ona vida, entaun parte Tránzitu Investigasaun sira kontaktu Ambulánsia hodi lori ba iha Hospital Nasionál Guido Valadares.

“Ita hein família matebian sira, karik mai aprezenta, tanba evidénsia hanesan motorizada iha ona ita-nia edifísiu, prosesu ita rejistu ona, maibé ida ne’e asidente mesak, karik família sira mai aprezenta, mak família hakarak foti no koopera ho ita hodi entrega mate-isin ba família sira,” nia hateten.

Lee Mós :
Naimori Kaer Pistola, KHUNTO Husu PSIK Investiga Autór

Alende ne’e  Komadante Tránzitu mós, hatete asidente ne’e mós akontese besik loos Postu Otél Timor nia oin, tanba ne’e membru sira ne’ebé servisu hela ba kedas fatin asidente no identifika katak asidente ida ne’e mesak no la envolve ema ruma.

“Ita-nia sidadaun matebian ne’e ho idade 27, moris iha Dili, iha loron 04 fulan Dezembru tinan 1995, ita-nia sidadaun ne’e estudante,” nia hateten.

Nia informa, ikus-ikus ne’e asidente fatal ne’e, barak liu envolve joven sira ho idade produtivu, tanba dala-barak konsumu alkoliku ne’ebé aas liu fali kapasidade ema nian, entaun bainhira sira kondus ona motor ka karreta, liuliu motor falta de kontrolu entaun rezulta asidente susar atu salva sira-nia vida.

Lee Mós :
Iha Ona Solusaun, Manifestante Grupu Povu Ki'ik Hamamuk ona Tasi-Taolu

“Tanba ne’e, ita apela ba ita-nia komunidade sira liuliu joven sira ne’ebé idade produtivu, kuidadu an ba, karik hakarak hemu iha fatin ka uma para depois de la bele la’o viajen, hodi envolve asidente no bele akontese lakon vida,” nia hakotu.

 1,221 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Asidente Iha Motaél, Joven Ida Lakon Vida” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No