ADVERTISEMENT

PN-PSIK Buka Maneira Hodi Kombate Human Traffic Iha TL

Timor Post - Defesa no Seguransa · Dili
Jornalista : Cardenio Alves
Editor : Asistente Editor Hermenegildo da Costa Tilman
  • Share
Diretor Nasional Polisia Cientifika Investigasaun Kriminal (PCIC), Visente Fernandes de Brito. ( Imajen TP/ Cardenio Alves).

DILI (Timor Post)—Parlamentu Nasionál liu husi Komisaun B trata asuntu ba Defeza Seguransa ho Negósiu Estranjeiru hamutuk Polisia Sientífika Investigasaun Kriminál (PCIC-sigla Portugés) diskute ona oinsá atu kombate Lei tráfiku umanu iha Timor-Leste (TL).

“Ohin PSIK ho Komisaun B ne’ebé kaer kna’ar ba trata asuntu seguransa nian, atu mai halo aprosiasaun, kona-ba situasaun ne’ebé akontese iha TL, kona-ba tráfiku umanu, no mós asidente selu-leluk ne’ebe konsidera ilegalidade iha rai laran” dehan Diretór Polisia Sientífika Investigasaun Kriminál (PSIK) Vincente de Brito, ba jornalista sira hafoin remata audiénsia iha salaun konferénsia Parlamentu Nasionál Kinta, (30/06)

ADVERTISEMENT
SCROLL FILA BA NOTISIA


Nia haktuir, Ita la ko’alia kona-ba kazu konkretu, tanba ne’e segredu justisa, hatene ideia de’it para oinsá,  ba iha futuru ita bele hamutuk ho Parlamentu Nasionál no Instituisaun relevante atu bele halo prevensaun, mezmu tempu  PSIK halo kombate tráfiku umanu.

Lee Mós :
Xina Oferese Ekipamentu Komunikasaun ba PSIK

“Públiku hatene katak PSIK hanesan Órgaun Polisia Kriminál,  ami nia servisu mais tendénsia prevensaun mós servisu ba krime sira  hanesan tráfiku humanu  sai ona preokupasaun boot ba públiku, tanba ne’e ohin mi halo diskusaun ho Komisaun B atu rona  hodi fó analiza informasaun ruma atu ita bele halo relasaun ho asaun ne’ebe kona ba tráfiku umanu iha TL” nia informa.

Kona ba kazu tráfiku umanu kazu ne’e substantivu ami la bele fó sai iha públiku, maibé asaun ba investigasaun la’o hela, mais  ha’u labele kolia kona-ba konteúdu prosesu ne’e, tanba lei tráfiku umanu númeru 12/2017 ne’e krime, labele fó sai kajú konkretu sira ne’e, kuandu mais sei iha faze investigasaun. Nia hateten.

“Kajú tráfiku umanu sempre tipu hanesa de’it, ninia objetivu mak violasaun seksuál”.

Lee Mós :
Problema Infraestrutura Difikulta ETVHT Iha Prosesu Aprendizajen

PSIK  servisu oinsá halo prevensaun  servisu la’ós ba tráfiku umanu de’it maibé kualkér krime ne’ebé mak iha PSIK nia kompeténsia  atu halo prevensaun iha ámbitu kombate krime sira ne’ebé ema dehan natureza kompleksu hodi sai organizadu.

Alende ne’e mós Prezidente Komisaun B-PN, Deputadu Jose Agustino Sequeira alias “Somotxo” kuaze servisu investigasaun kriminál servisu informasaun,  servisu imigrasaun bolu asuntu relevante sira hodi buka meius ida atu kria Lei hodi kombate human Traffic Iha TL,

“Ha’u bolu PSIK ho urjente, tanba situasaun hotu-hotu sai ona iha públiku, katak hanesan iha Timor Leste iha  ona tráfiku umanu no ida ne’e Komisaun B konsidera nu’udar krime organizadu, no nia implikasaun ba ita rasik mak involve iha Timor no estranjeiru”.

Lee Mós :
SEKoop Hakarak Sai Parseiru Permanente ba IBT I.P

Tanba ida ne’e Komisaun B sempre hatete,  TL labele halai tuir hanesan Human Traffic, maibé halai oinsá atu buka solusaun,  tanba ne’e Mak agora ita buka medida hodi halo prevensaun, tanba bainhira akontese ona mak buka solusaun ne’e difisil tebes atu rezolve problema refere. Dehan Somotxo.

“Komisaun B nia preokupasaun ne’ebe bolu PSIK oinsá atu halo prevensaun ba kombate tráfiku umanu, hodi buka maneira oinsá mak bele halo prevensaun no kombate Human Traffic iha nasaun. Tanba ida ne’e implikasaun makas liu iha Territóriu Timor laran, ho ida ne’e ohin bolu sira mai hodi diskute oinsá buka solusaun ba problema refere”. Nia hakotu

 2,795 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PN-PSIK Buka Maneira Hodi Kombate Human Traffic…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No