DILI, (timorpost.com)– Komandu PNTL munisípiu Dili, liuhosi servisu informasaun Makikit, prende bebidas supelementu iha segunda dader loron, 19 fulan-Feveréiru tinan 2024 mais a menus tuku 00:45 no asegura suspeitu joven na’in-4 mak hanesan LSA (42), OGS (18), GM (34) no JS alias P (41) tanba hatama sasan ilegál husi tasi iha área Palaka, fronteira kedas ho Indonézia.
Liuhosi publikasaun ne’ebé Timor Post asesu husi pájina Serviços Relações Públicas iha loron Tersa, (20/02), katak durante halo atividade ne’e suspeitu sira uza karreta kamioneta ho marka Mitsubishi Fuso, númeru matríkula A.50058 ne’ebé kalan-kalan sira uza hodi fa’an ba loja no mós merkadu sira seluk ne’ebé sai ona kliente.
Ekipa servisu sekreta ne’ebé halo vizilánsia iha área refere halo kedas akompañamentu husi fronteira mai to’o iha Dili, no identifika suspeitu sira halo hela transaksaun iha área Hudi-Laran, suku Bairru-Pité.
Ekipa Makikit kontatu kedas ba patrulla Eskuadra PNTL Dom-Aleixo liuhosi ekipa Charly no Investigasaun Nasionál ba kedas iha lokál krime hodi asegura evidénsia mak hanesan Kratingdaeng hamutuk kaixa 211 iha karreta laran no mós kaixa 70 iha loza laran.
Oras ne’e daudaun suspeitu detein hela iha sela polísia durante oras 72, hafoin sei kontinua halo prosesa ba Ministériu Públiku tanba PNTL nia devér mak kaptura no halo identifikasaun enkuantu ba kazu krime nia sei prosesa ba tribunál.(*)
2,502 total views, 3 views today
Bele hare Video Seluk :
Subscribe to Timorpost
