DILI, (timorpost.com)– Ministru Defeza, Kontra Alimirante, Donaciano C. Gomes ‘Pedro Klamar Fuik’, agradese ba Ministru Defeza Indonézia, Jenerál Prabowo Subianto, tanba esforsu enkuadra Timor-Leste iha enkontru altu nível entre Ministru Defeza sira.
“Esforsu boot ida ne’ebé mak Ministru Defeza Indonézia Jenerál Prabowo halo, iha ekontru ne’e ita agradese ba saida maka sira esforsu halo para enkuadra Timor-Leste iha ekontru altu nível ministériu da defeza”, Ministru Defeza Timor-Leste, Kontra Alimirante, Donaciano C. Gomes ‘Pedro Klamar Fuik, informa ba jornalista sira iha salaun VIP Aeroportu Internasionál Prezidente Nicolao Lobaro Kumoro-Dili, Tersa, (21/11/2023) hafoin fila husi reuniaun entre Ministru Defeza ASEAN iha Jakarta, iha loron 16 to’o 17 Fulan-Novembru liubá.
Durante iha Indonézia, Ministru Defeza Timor-Leste hala’o enkontru ho Ministru Defeza Indonézia hodi ko’alia kona-ba asuntu sira ne’ebé liga ho Timor-Leste nia adezaun ba ASEAN. Inklui mós enkontru ho Ministru Defeza sira husi nasaun aliadu sira ko’alia liu kona-ba adezaun ba ASEAN, kestaun defeza no seguransa.
Partisipasaun Ministru Defeza nian iha reuniaun altu nível ASEAN entre Ministru Defeza ne’e sai observadór. Aliende partisipa iha multilaterál ne’e aproveita tempu halo mós enkotru lubuk ida ho membru ASEAN plus, hanesan Estadus Unidus Amerika, Austrália, Índia, Tailándia, no Rusia no nasaun seluk tan.
“Ita iha oportunidade hasoru bilateralmente ho país balu hanesan La’os, Sekretária Jerál ASEAN ne’e rasik, Ministru Defeza Índia, Ministru Defeza Austrália, Ministru Defeza Tailándia, Ministru Defeza Estadu Unidus Amerika, bele ita hato’o ita-nia preokupasaun, rona sira hanesan mós ita halo ho Rúsia”, Ministru Defeza ne’e, hatete.
Ministru Defeza Timor-Leste nu’udar observadór iha reuniaun refere tanba ne’e observa no rona de’it maibé seidauk iha opiniaun formál ruma. Maske nune’e Timor-Leste kontaktu ho nasaun membru ASEAN no nasaun seluk hodi hala’o reuniaun bilaterál.(*)
1,734 total views, 6 views today
Bele hare Video Seluk :
Subscribe to Timorpost
