ADVERTISEMENT

Kazu Tara An iha Sela, Membru PNTL Na’in-8 Hetan Suspensaun Preventiva

Mario da Costa - PNTL
Reportajen : Beatriz Belo
Editor : Mário da Costa
  • Share
Portavós Komandu Jerál PNTL, Superintendente Xefe Armando Monteiro, imajen TP/Beatriz Belo

DILI (Timor Post) – Kazu deskonfia Joven José Bernardo, tara an iha sela detensaun Komandu Munisípiu Dili, iha loron (01/09), ohin loron Segunda (05/09) Komandu Jerál Polisia Nasionál Timor-Leste (PNTL), foti ona medida Suspensaun Preventiva ba membru PNTL nain-ualu ne’ebé durante halo nia servisu hanesan vizilánsia iha Komandu Munisípiu Dili.

Portavós Komandu Jerál PNTL, Superintendente Xefe Armando Monterio, informa iha loron 02 fulan Setembru tinan 2022, Komadante Jerál PNTL, Faustino da Costa, hasai depaixu urjente ida ho númeru 365/CG/ PNTL/IX/2022), nomeia ofisiál PNTL nain-4 hodi halo investigasaun internál urjente ba kazu ida ne’e.

ADVERTISEMENT
SCROLL FILA BA NOTISIA

“Ohin dia 05 Setembru tinan 2022 Komandu Jerál PNTL foti medida kuatelares hodi fó suspensaun preventiva durante 60 dias ba membru Komandu PNTL Munisípiu Dili nain-8, kompostu husi ofisiál nain-tolu, sarjentu ida no ajente nain-4, ne’ebé durante hala’o sira-nia knaar no rezulta ita-nia sidadaun inisil JB tinan 21 ne’ebé mate iha sela detensaun Komandu Munisípiu Dili, ” nia hateten liuhusi Konferénsia Imprensa iha Komandu Jerál PNTL, Segunda (05/09).

Lee Mós:
Konfrontu Iha Maskarinhas, PNTL Prosesa Ona Ba Ministériu Públiku

Nia dehan, Komandu Jerál fó medida ida ne’e, ba membru PNTL nain-ualu ne’e, fó suspensaun preventiva atu nune’e hodi submete ba iha prosesu investigasaun.

“Suspensaun ida ne’e, atu fó oportunidade ba ita-nia membru sira ne’ebé durante halo sira-nia knaar hanesan vizilánsia iha sela detensaun, atu nune’e sira konsertasaun ba iha investigasun internál, tanba ita iha regulamentu dixiplinar,” nia dehan.

Lee Mós:
Operasaun BOP-COE Kaptura Joven 11 Tenta Hakat Ilegal Fronteira

Nia hatutan, fó ona suspensaun ba membru nian-8, signifika katak, sira hanesan sidadaun bain-bain, sira sei la hala’o sira-nia knar hanesan Polisia.

“Ita-nia membru PNTL nain-8 ne’e ho inisila AS, MS, AQ, LS, TIV, FADA AM no TDCP.

Enkuntu nia dehan, kona-ba CCTV no evidénsia seluk ne’e nia parte la bele ko’alia, sira ne’ebé foin lalais forma ona grupu ne’e halo hela prosesu invetigasaun.

Nune’e, kuandu iha prosesu invetigasaun internál mak iha indisiu ba iha akontesimentu tara an iha Komandu Munisípiu Dili, mak iha krime sei responsabilidade ba aktu kriminál ida ne’e.

Alende ne’e nia dehan, kona-ba rezultadu autópsia ba iha matebian inisiál JB ne’e, sira la bele fó sai, tanba foin lalais forma ekipa sira hanesan iha instituisaun PDHJ, PNTL , Ministériu Públiku (MP), Defesor Públiku (DP) no família matebian ne’ebé foin lalais sira bele fó sai.

Lee Mós:
Operasaun Kalan, PNTL Prende Motorizada 25 no Detein Joven Na'in-3

Nia hatete, iha oportunidade ida ne’e lori Komandu Jerál PNTL nia naran husu ba sidadaun Timoroan hotu-hotu, atu la bele monu ba manobra individu ou grupu balun ne’ebé lansa propaganda oin-oin iha rede Sosiál.

“Ita hamutuk kria paz no nafatin unidade, amizade no promove ita-nia identidade no kultura hanesan sidadaun Timoroan hodi kontrobui ba estabilidade seguransa no dezenvolvimentu nasionál,” nia hakotu.

 2,400 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Tara An iha Sela, Membru PNTL Na’in-…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: