DILI, (timorpost.com)— Autoridade Protesaun Sivíl (APS) liuhosi Sentru Nasionál Operasaun Protesaun Sivíl (SNOPS) atualiza dadus dezastre naturál iha teritóriu Timor laran tomak durante semana ida, hahú husi loron 30 fulan-Janéiru to’o 05 fulan-Feveréiru tinan 2024, relata katak dezastre naturáll afeta ba uma-kain 130.
“Dezastre naturál ne’ebé akontese durante semana ida ho tipu tolu hanesan ahi-han, anin-sobu no rai-halai, husi tipu tolu ne’e rejistu uma-kain, xefe família hamutuk 130 mak afeta”, Diretór Gabinete Relasaun Externa no Komunikasaun (GREK), Cesário sa Silva Marques, informa ba jornalista liuhosi konferénsia ba imprensa iha edifísiu APS Kaikoli, Segunda, (05/02).
Nia hatutan, “Uma 130 afetadu dezastre naturál ne’e mai husi munisípiu 11, hanesan Ainaro 29, Baukau 9, Bobonaro 18, Kovalima 3, Ermera 34, Lautem 3, Likisa 14, Manufahi 1, RAEOA 1 no Vikeke 14. Ekipa mós nafatin halo operasaun iha munisípiu sira hodi kontinua halo levantamentu detallu kona-ba sasán ne’ebé mak estragus no lakon”.
Autoridade Protesaun Sivíl ho nia ekipa sei halo servisu nafatin hodi halo levantamentu dadus ba família afetadu sira antes fó apoiu hahan no la’os hahan ba vítima sira.(*)
2,643 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![APS Atualiza Dadus Dezastre Naturál Husi 30 to’o 05 Feveréiru](https://timorpost.com/wp-content/uploads/2024/02/WhatsApp-Image-2024-02-05-at-11.27.05.jpeg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)