Cuba-TL Sei Selebra Aniversáriu Bilateral Ho Atividade Desportu

Mario da Costa - Desportu · Internasional
Reportajen : Estaziada Ermelinda Caet
Editor : Mario da Costa
  • Share
Ekipa hosi Cuba-TL Hasoru Malu ho Ekipa SEJD, Imajen TP/Ermelinda Caet

DILI (Timor Post)-Atu selebra aniversáriu tinan 20, relasaun bilateral Cuba ho Timor-Leste no mós Restaurasaun Independénsia Timor-Leste ba da-20 nian mak Governu liuhusi Sekretáriu Estadu Juventude Desportu (SEJD), hamutuk ho Embaixada Cuba iha Timor-Leste, sei realiza festival desportu daruak ho naran “Kaiman (lafaek) ba Kaiman (Lafaek)”.

“Festival Desportivu “Husi Kaiman(Lafaek) ba Kaiman(Lafaek)” mak atividade fíziku desportiva-rekreativa ne’ebé hakarak selebra tinan 20 husi relasaun bilateral ho Cuba no Timor-Leste no mós tinan 20 ba restaurasaun independénsia Timor-Leste”, Diretór Jerál SEJD, David Tomas De Deus, hateten  ba Jornalista iha salaun SEJD, Kinta (14/07).

ADVERTISEMENT
SCROLL FILA BA NOTISIA

Eventu Kaiman (Lafaek) ba Kaiman (Lafaek) sei realiza iha loron 16 Jullu 2022 ho modalidade lima mak hanesan, Atletizmu, Siklizmu, Xadrés, Volleyball no Futsal.

Lee Mós:
Reativa Programa Alfabetizasaun

Nia informa, objetivu prinsipál ba eventu ne’e mak, oinsá promove desportu no atividade fízika, hanesan dalan ba moris saudavel no halo saúde di’ak liu. Eventu ida ne’e mós reativa fali atividade CAR FREL ZONE ne’ebé realiza antes Covid-19.

David hatete, realiza festival ne’e hanesan festa popular ida, envolve husi Koordenadór Rezidente husi Nasaun Unidas (UN) ne’ebé sai protagonista ba eventu ida ne’e, ho kompromisu atu dezenvolvimentu Timor-Leste liuhusi area edukasaun no Desportu, ne’ebé Cuba mós kontribui ho umildade ba dezenvolvimentu area sira ne’e.

Diretór ne’e informa, eventu ne’e apoiu husi Governu Timor-Leste ho total orsamentu dollar Amerikanu rihun 3USD hodi dezenvolvimentu sustentavel atu promove estilu moris saudavel no ambiente inklui ba populasaun hotu-hotu, no laiha eskluzaun ba jéneru, idade, rasa, defisiénsia ou orientasaun sexual.

Lee Mós:
JICA ho Pilár Tolu ba Timor Leste iha tinan 2020

Diretór Jerál SEJD David afirma, eventu ne’e hanesan solidariedade ba populasaun hotu-hotu ne’ebé partisipa hetan animasaun no Divertimentu durante Festival Desportu “Husi Lafaek ba Lafaek” nian.

Iha fatin hanesan Enkarregadu Negósiu Embaixada Cuba-TL, José Ernesto Diaz Pérez, hatete sente kontente realiza festival ida ne’e tanba atu selebra susesu kooperasaun entre embaixada Cuba ho nasaun Timor-Leste ba tinan 20  ne’ebé   sira mós agradese ba José Kay-Rala Xanana Gusmão no José Manuel Ramos Horta, ne’ebé halo akordu kooperasaun ho Fidel Castro iha tinan 20 liu ba, ne’ebé nasaun Cuba ajuda Timor-Leste produz ona doutór umanu na’in 1000 no atividade desportu sira ne’ebé agora selebra susesu kooperasaun ho festival desportivu ho naran husi Kaiman ba Kaiman ho eventu desportivu atu halo prevensaun ba saúde, ne’e nakloke ba Timoroan hotu-hotu atu partisipa festival ne’e.

Lee Mós:
TL Sei Apoiu Rihun $300 Ba Guiné Bissau

Iha sorin seluk Koordenadór UN Rezidente, Roy Trivedy, hatete hakarak fó hatene ba públiku atu nune’e bele partisipa festival ne’e tanba selebra aniversáriu susesu kooperasaun entre embaixada Cuba ho Timor-Leste ho animasaun ba dezenvolvimentu sustentavel umanu nia liuhusi área desportivu.

Partisipante iha serimónia ne’e mak, enkarregadu Negósiu Embaixada Cuba-TL, Jose Ernesto Diaz Perez, UN Rezidente Coordinator, Roy Trivedy no Reprezentante SEJD, David Tomas De Deus.

 510 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Cuba-TL Sei Selebra Aniversáriu Bilateral Ho At…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: