Hosi : Frei Arry dos Santos, OFM
Kontextu
Dili nu’udar sidade kapital nasaun Timor Leste nian. Sidade kapital mak nu’udar nasaun ida nia oin. Tan né makaer ukun (estado) no nain ba ukun (povu), hotu-hotu iha dever atu tau responsável ba sidade kapital nasaun nian. Basá sidade kapital nu’udar nasaun nia oin no representa oin povu nasaun Timor Leste nian. Wainhira sidade kapital oin foer signifika nain ba ukun no ukun nain hotu nia oin foer.
Hare ba faktu sirak né makerek nain hakarak fahe observasaun rasik relasiona ho inundasaun bé akontese tinan-tinan iha sidade kapital tan menus iha aspetu tolu né. Primeiro, estdao rasik laiha ordenamentu bé kontinuitas ba sidade Dili nu’udar sidade kapital. Segundo, konsiensia populasaun hela iha sidade kapital menus no mihis los atu responsável ba ambiente sidade kapital nian. No terseiru, nu’udar mos solusaun. Dili nu’udar sidade kapital né duni makaer-ukun no ukun-nain hotu nia responsável.
Konsiente Estado ba Sidade Kapital Nu’udar Oin Nasaun Nian Menus
Makaer-ukun tenke konsiente katak sidade kapital mak nu’udar oin nasaun nian. Konsiensia né mak bele ubriga makaer ukun-nain sira hakas-an hodi kria ordenamentu permanente ruma atu bele kontrola populasaun bé hela no buka moris iha sidade kapital atu la hafoer sidade kapital bé sai nasaun no povu Timor Leste tomak nia oin.
Atu inundasaun labele mosu tan iha tempo udan hodi hafoer sidade kapital bé nu’udar oin nasaun nian mak makaer-ukun ukun halo ordenamentu permanente ba sidade kapital hodi serviso hamutuk ho autoridade lokal no seguransa sivil no militar atu kontrola, atu populasaun sira labele harí animal luhan, uma hela no uma fila liman sira iha mota no saluran we-dalan hodi hasatan udan-wen iha tempo udan.
Estado rasik tenke konsiente ona katak inundação laos problemas foun maibé tinan-tinan wainhira udan ho velosidade bo’ot sidade de kapital akontese bebeik iinundasaun. Estadotenke prepara onaordenamentu ba sidade kapital ho kontrola atividades saida de’it mak halo iha sidade kapital no prepara orsamentu relasiona ho normalizasaun be dalan sira iha sidade kapital iha tempo bailoron. Hodi nune’e, iha tempo udan, udan-wen sulin tuir nia dalan no bele hamenus risco ba inundasaun.
Hare ba faktus katak inundasaun laos problemas foun maibé tinan-tinan akontese nafatin nu’udar sinal ida hatudo faktu rua. Primeiro, makaer-ukun sira seidauk konsiente didiak katak sidade kapital mak nu’udar oin nasaun nian no oin Timor oan hotu nian. Segundo, makaer-ukun iha tempo barak hodi debate sistema polítika, maibé saida mak debate la to’o ba iha plano estratéjiko desenvolvimento iha sidade kapital.
Bele mos tan kacamata no vidro kareta sira mak mahar ka tebal liu bé halo makaer- ukun sira loron-loron halai hela iha sidade Dili maibé labele haré kondisaun real sira bé akontese iha sidade de kapital. Selae mós tan makaer-ukun sira dader sai husi uma ba servisu fatin no fila husi servisu fatin ba uma halai ho darurat hotu de’it mak halo sira la biban atu haré kondisaun real sira iha sidade Dili bé nu’udar nasaun nia oin.
Konsiensia Popopulasaun Atu Kuidadu Sidade kapital Mihis
Los duni katak akontese inundação tinan-tinan iha sidade de kapital falta kontrolu hosi makaer-ukun. Tan estado rasik laiha sistema kontinuasaun iha parte kuidadu ambiente sidade de kapital nian. Parte seluk mos tan povu be hanaran nain ba ukun bbé hela no moris iha sidade de kapital mos menus no mihis responsável ba ambiente sidade kapital nian.
Populasaun sira iha sidade kapital hatene momos katak tinan-tinan udan ho velosidade bo’ot sidade Dili akontese hela de’it inundasaun tan impaktu husi soe lixu arbiru de’it, barak mak soe ba mota, kanu kuak no bee dalan. Mota laran mos halo sai tiha mercadoria iha bailoron, halo tiha ba luhan animal nian. No mos harí bengkel, uma hela no uma faan sasan sira iha tihafatin be dalan nst.
Populasaun nia konsiensia ba responsável atu kuidadu ambiente sidade kapital menus no mihis tiha los, hafoin aumenta tan ho mentalidade ka karakter populasaun bé nunka sente sala. Ida né mak sai abut no hun husi problemas inundasaun tinan-tinan iha sidade kapital.
Wainhira ema moris ho responsável ba ambiente hanesan mota, kanu kuak, bee dalan laos fatin atu soe lixu, laos fatin hodi halo sai tiha mercadoria iha tempo bailoron, laos fatin atu hari bengkel, hari uma hela no hari uma fan sasan hodi estraga we-dalan sira mak risku inundação iha sidade kapital iha tempo udan bele resolve. Maibé tan de’it ema nia mentalidade amoral sira, laiha responsável ba ambiente moris, ikus mai udan sai tiha ema nia inimigo tan udan ho velosidade bo’ot fo ameasa ba ema nia moris no horik fatin.
Lolos né laos udan-wen mak fo ameasa ba ema nia moris no horik fatin. Ema nia mentalidade amoral, konsiensia mihis, laiha responsável ba ambiente moris mak estraga ema nia-na rasik no ho ema nia horik fatin rasik. Tan né hun no abut husi iinundasaun laos iha udan. Maibé mak ema nia mentalidade. Udan-wen grasa ida ba ema, maibé mentalidade ema nian be amoral, konsiensia mihis, no laiha responsável ba ambiente moris mak udan udan-wen be lolos né grasa ba ema sai tiha nu’udar inimigo bo’ot.
Iinundasaun Iha Sidade Kapital, Sala no Responsável Estado no Povu Hotu
Estado nu’udar makaer-ukun servisu hamutuk autoridade lokal, seguransa sivil no militar kria lei ka ordem nu’udar plano estratéjiko prevene sidade kapital husi inundasaun iha tempo udan no halo socializasaun ba populasaun iha sidade kapital atu labele soe lixu arbiru, loke bengkel, hari uma hela no uma fan sasan sira arbiru hodi labele hasatan no taka we-dalan iha tempo udan. No ordem ka lei né tenke iha nia kontinuasaun. Labele hanesan fakfodak.
Populasaun rasik mos tenke konsiente katak sidade de kapital né oin nasaun nian no ema povu Timor oan tomak nian oin. Tan né nu’udar sidadaun Timor, sidade kapital hanesan“uma” ba ema hotu, ema se de’it bele ba moris iha neba, maibé tenke toma responsável. Labele privatiza sidade kapital hanesan aldeia iha área rural be naran hakiak animal, faan sasan, loke bengkel, hari uma sira tuir vontade.
Sidade kapital mak nasaun no Timor oan hotu nia oin. Néduni, ema hotu tenke toma responsável no makaer-ukun mak tenke kria ordem ka lei ruma atu kontrol aktividades tomak iha sidade kapital no tenke iha nia kontinuasaun. Labele hein to’o akontese ona inundasaun foin hakfodak buka solusaun no ikus
8,373 total views, 6 views today
Bele hare Video Seluk :
Subscribe to Timorpost
