(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) – Kandidatu ba Prezidente Repúblika períodu 2022-2027, Jose Ramos Horta, hatete, governu tenke tane aas ema ho defisiénsia sira liu hosi fó apoiu ba ema ho defisiénsia sira hodi bele kontribui mós ba dezenvolvimentu iha Timor Leste.
“Ba oin governu tenke implementasaun programa hodi tane aas komunidade ne’ebé ho kondisaun defisiénsia ne’ebe iha problema la iha motor apoiu ba sira, tenke hare hodi apoiu sira di’ak liu,” nia dehan hafoin halo vizita ba Asosiasaun Halibur Defisiénsia Matan Timor-Leste (ADMTL), iha Manleuana, Kinta (31/03).
Horta konsidera Ema ho Defisiénsia sira la’ós hanesan defisiente kakutak ka fíziku de’it, maibé defisiénsia nakonu ho esperiénsia ne’ebé matenek.
“Ita hakarak garante EhD moris diak, tenke halo mós tratamentu saúde ba sira no hare kondisaun fatin ne’ebé sira hela ba tanba barak sena malu iha fatin ne’e, tanba ne’e laiha la dun fó kondisaun diak ba saúde ne’ebé afeta ba han hemu nian,” nia dehan.
Iha Vizita ne’e kandidatu Prezidente Horta apoiu mós fasilidade hanesan Ventuiña Kaixa rua.
“Ha’u vizita ne’e atu entrega de’it ventuiña oan ruma, tanba antes ne’e ha’u vizita tiha hodi promete ba sira atu oferese ba sira, ohin ha’u mai lori fó ba sira, no ha’u promete sei oferese tan kama ba sira iha tempu tuir mai,” nia hakotu. (Asesu Notísia Seluk Iha Jornál Timor Post/ Asesu You Tube Timor Post)
758 total views, 3 views today
Bele hare Video Seluk :