(Reportajen Estajiádu Mariano Abi/Asistente Editor Hermenegildo da Costa Tilman)
Dili (Timor Post) – Instituto Defesa Direitu Criança (INDDICA), kuarta ne’e, realiza doasaun ran, hodi apoiu ba labarik sira ne’ebé maka agora daudaun sofre dengue no baixa hela iha Ospitál Nasionál Guido Valadares (HNGV).
Diretora INDDICA, Tereza Maria Moniz, hatete, atividade ida ne’e realiza tanba sira halo kooperasaun ho ministériu saúde no mós diresaun Banku de Sangue, hodi apoiu ba maluk sira ne’ebé presiza tebes ran.
“Ne’e loke ba publika, ami haruka ona pedidu ba Ministériu Saúde, Ministériu Edukasaun, Sekretáriu Estadu Juventude, no mós Ministériu balu ne’ebé mak serbisu ho ami, hodi hala’o atividade ida ne’e,” nia dehan ba jornalista sira iha Timor Plaza, kuarta (16/03).
Iha sorin seluk hanesan Diretór Nasionál Serbisu Apoiu Hospitalar, Nilton da Silva, dehan, ministériu saúde suporta tebes atividade ida ne’e tanba daudaun ne’e HNGV presiza tebes ran hodi apoiu ba pasiente sira.
“ohin ha’u iha ne’e, hanesan reprezenta Ministériu Saúde nian, atu hatudu katak, MS mós fó suporta ba atividade refere, hanesan INDDICA nia hare katak, doasaun ran agora presiza tebes, tanba iha fulan kotuk no semana hira liu ba, kajú dengue, liu-liu ba ita nia oan sira barak mak presiza hela ran,”nia hatete.
Nia enkoraja nafatin ba ema hirak ne’ebé durante laiha moras, laiha kestaun klínika ruma bele fó, hodi nune’e bele ajuda pasiente sira, nosira ne’ebé mak presiza duni ran.
“Ran iha Banco de Sangue loron-loron utiliza, Ita bele doasaun ran barak, la’ós hotu-hotu atu uza, maibé presiza halo esprime, ba iha ran ne’ebé mak ita doasaun, husi ne’ebá sei halo esprime fali karik los ona ita bele uza ran sira,” nia akredita.
Entretantu Xefe Departamentu Banco de Sangue, Januário da Cruz Freitas, hatete, kona ba stock ran ne’ebé mak agora daudauk Banco de Sangue HNGV, iha 208 pakote, husi ne’e 49 ran A pojetivu, B pojetivu iha 49 mós, AB pojetivu 14 ho 96 pakote, hamutuk 208 pakote.
“Ba stock Ida ne’e, ita garante ba emerjénsia, mais agora daudaun ne’e mak ita hala’o atividade ida ne’e, ho ran ne’ebé mak sai fresku, mais agora daudaun hasai ne’e, ita halo prosesu ba moras dengue ne’ebé mak presiza, iha O10, B5, A3, AB0, sei pasiente ne’e moras AB duni, hakarak lakohi kolabora hasai duni ran ne’ebé mak pasiente presiza ne’e,” nia hakotu.
Atividade ne’e rasik hetan hetan apoiu hosi Timor Plaza no Plan Internasionál ne’ebé kooperasaun hamutuk ho MinistériuSaúde no departamentu banku de sangue.(Lee Notisia seluk iha Jornal Timor Post/ Asesu You Tube Timor Post)
449 total views, 3 views today
Bele hare Video Seluk :
Subscribe to Timorpost
