Dili (timorpost.com)—Polisia Nasionál Timor-Leste PNTL Munisipiu Lautem, konsege identifika ona autór ne’ebé mak utiliza osan falsu hodi halo komunidade barak sai vítima.
Tuir Superintendente Xefe Polisia, Jorge Monteiro hatete, kona ba suspeitu ne’e utiliza osan falsu hodi kompras sasán komunidade sira nian oras ne’e daudauk PNTL Munisípiu Lautem rekolla ona informasaun.
“Relasiona ho trasmite Osan falsu ne’ebé espalha iha Munisípiu Lautem, Suku Fuiloro, Aldeia Savarika ne’ebé konsege halo komunidade sira sai vítima oras ne’e daudaun PNTL identifika ona autor nia identidade hodi halo notifikasaun”. Hatete husi superintendente Xefe Jorge Monteiro iha Kuartél Jerál Kaikoli, Kinta (04/05/2023)
Nia haktuir, kona ba evidénsia osan falsu ne’ebé mak espala iha Munisípiu Lautem oras ne’e daudauk iha ona PNTL Komandu Munisípiu Lauten nia liman. Montante osan falsu ne’e mak Polisia rekolla hamutuk dollar amerikanu 20.
“PNTL foin mak identifika no foti informasaun husi kios nain ida ne’ebé sai vítima ba osan falsu ne’e”.
Bainhira PNTL halo konfirmasaun ho vítima kona ba osan falsu ne’e, vítima haktuir katak bainhira suspeitu mai halo tranzisaun iha kios, suspeitu uza máskara, tanba ne’e vítima ladún koñese.
Nia haktuir, bainhira prosesu ne’e remata PNTL deside hodi lori ba Ministériu Públiku hodi halo prosesu investigasaun kontinua. Kona ba osan falsu ne’e mai husi ne’ebé to’o agora ita seidauk identifika tanba seidauk prosesu.
1,539 total views, 9 views today
Bele hare Video Seluk :