Dili (timorpost.com)—Polisia Nasionál Timor-Leste (PNTL) liu husi Komandu Munisípiu Dili, relata dadus 2023 nian hatudu Munisípiu Dili rejista kazu violénsia doméstika aas kompara ho munisípiu seluk iha territóriu nasionál Timor-Leste.
“Sim, Munisípiu Dili tuir dadus ne’ebé iha hatudu katak Munisípiu Dili sai vensedor ba kazu Violénsia Doméstika aas hamutuk atus haat lima nulu resin ualu” Haktuir Komandante Munisípiu Dili Superintendente Xefe Polisia Orlando Gomes ba jornalista sira iha nia knar fatin, Segunda-feira (18/09/2023).
Orlando haktuir, kazu violénsia doméstika iha munisípiu Dili rejista as liu kompara ho kazu sira seluk no husi númeru ne’e submete ona ba Ministériu Públiku (MP).
“Kazu sira ne’e submete ona ba Ministériu Públiku hamutuk 417, enkuantu kazu ne’ebé iha hela prosesu investigasaun Komandu Munisípiu Dili nian hamutuk-36”. Hakotu.
660 total views, 12 views today
