Dili (timorpost.com)—Relasiona ho kazu ida ne’ebé komete husi oknum Polisia husi Unidade Batallaun Orden Publika (BOB) ne’ebé tiru vítima Julivio Pereira Bruno Pinto tanba vítima hasai liafuan mal edukadu hasoru suspeitu.
“Agora daudauk suspeitu kumpre hela 72 oras, depois ida ne’e sei halo prosesu investigasaun kontinua ba kazu refere” haktuir Portavós Polisia Nasionál Timor-Leste Superintendente Xefe Polisia Antonio da Luz, Segunda (18/09/2023).
Portavós ne’e haktuir, kronolojia husi akontesimentu ne’e iha sábadu loron 16 fulan Setembru vítima Julivio Perreira Bruno Pinto hetan tiru husi oknum Batallaun Ordem Públiku-BOP iha Bidau Akadiru-Hun, tanba vítima hasai liafuan mal edukadu no atu baku tan oknum BOP ne’e.
“Ida ne’e mak informasaun ne’ebé ita simu hein prosesu investigasaun foin mak hatene motiva saida”. Nia dehan.
Nia dehan, iha akontesimentu ne’e, membru BOP refere nafatin fó atensaun ba vítima maibé vítima kontinua ninia hahalok mal edukadu ne’e oknum membru BOP ne’e foti pistola no tiru vítima iha parte ain.
Portantu prosesu investigasaun ba kazu ho Nuc 0256/ 2003 PNSIK no sei hein oras 72 depois sei submete ba Ministériu públiku hodi halo prosesu investigasaun.
Iha lei númeru 5/2017, artigu 36 hatete bele uza forsa kilat hasoru kriminozu sira bainhira iha situasaun ameasa laran.
534 total views, 9 views today
