ADVERTISEMENT

Aban, Tránzitu Hapara Sirkulasaun Transporte Husi Pantai Kelapa – Rotunda Metiaut

Jornalista : Florindo Coluna
Editor : Liduway Xavier
  • Share
Rute ne'ebé aban (25/11/2023) Polísia Tránzitu sei taka temporáriu, ba realizasaun desportu la’o-ain, halai maratona, halai bisikleta.

DILI, (timorpost.com) — Polísia Tránzitu hetan deña rute desportivu la’o ain, maratona ho diresaun husi edifísiu MNEK, Pantai Kelapa to’o Rotunda Metiaut, hodi kontrola no hapara temporáriu sirkulasaun transporte públiku.

Timor Post rekolla informasuan husik Komisaun Organizadora ba selebrasaun loron Proklamasaun Independénsia 28 Novembru 2023, ba dala-48, katak atividade desportivu hanesan la’o-ain, maratona, halai no kurida bisikleta, ne’e sei hala’o aban Sábadu (25/11/2023) husi edifísiu MNEK Pantai Kelapa to’o Rotunda Metiaut-Dili.

ADVERTISEMENT
SCROLL FILA BA NOTISIA


“Komandu hatún ona orientasaun para parte operasaun Komandu Munisípiu Dili simu no kontinua orienta membru parte operasionál, tránzitu atu fó seguransa ba atividade desportu la’o-ain, halai, halaib bisikleta, maratona ne’ebé komisaun atu organiza iha Sábadu, 25/11, ne’ebé husi dader tuku 6:00 to’o fali besik meudia 11:00 ami-nia tránzitu sei hapara movimentu transporte públiku husi diresaun estrada MNEK Pantai Kelapa to’o Rotunda Metiaut, ne’e sei hapara temporáriu”, Komandante Seksaun Operasaun Polísia Nasionál Timor-Leste (PNTL) munisípiu Dili, Inspetór Xefe Polísia, José Luis Amaral, informa ba Timor Post, iha edifísiu Autoridade Administrasaun Munisípu Dili, Matadoru, Sesta, (24/11/2023).

Lee Mós :
F-FDTL Ho PNTL Tenke Asegura Komunidade Nia Sasan

Tanba ne’e Komandante Operasaun Munisípiu Dili, husu ba transporte públiku, privadu, liuliu karreta ho motorizada ne’ebé halai husi diresaun estrada Pantai Kelapa MNEK, Lesidere, BJ Habibie, Bidau Santana to’o Rotuda Metiaut atu para temporáriu.

Lee Mós :
Grigório Correia Rejigna-an Ona Laiha Fatin ba Fali SekJer FFTL

Aleinde ne’e husi rute sira ne’ebé atividade desportivu organiza ba sei hetan kontrolu husi polísia operasionál no tránzitu atu nune’e eventu desportivu ba selebrasaun loron Proklamasaun Independénsia 28 Novembru 2023 ba dala-48, bele la’o iha páz no estabilidade nia-laran.

“Ami-nia membru hotu-hotu sei fó seguransa inklui tránzitu, nune’e mós apoiu husi Unidade Espesiál no Unidade Marítima, para eventu desportu ba komemorasaun 28 Novembru 2023, dala-48 la’o no páz no estabilidade nia-laran”, Inspetór Xefe Polísia José Luis, hatete.

Lee Mós :
Konfrontu Kovalima PNTL Detein Suspeitu Na’in-Ualu

Enkuantu eventu ne’e sei partisipa husi lideransa nasaun ida-ne’e, parséiru internasionál sira, komunidade inan-aman, joven no estudante iha sidade Dili hodi anima atividade refere.(*)

 864 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Aban, Tránzitu Hapara Sirkulasaun Transporte Hu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No