ADVERTISEMENT

Governu TL Entrega Sertifikadu Deklarasaun Benefisiáriu Ba Empreza Aero Dili

Marcos Fernandes - Dili · Ekonomia
Jornalista : Estaziadu, Ermelinda Caer/PJ14
Editor : Marcos Fernandes
  • Share
Ministru Koordenadór Asuntu Ekonómiku, Joaquim Amaral, entrega Sertifikadu, Deklarasaun Benefisiáriu ba Diretór Empreza Aero Dili, Lourenço de Oliveira, iha salaun TradeInvest Kolmera, Kinta (04/05/2023). Imajen TP/PJ14

Dili(timorpost.com)—Governu Timor Leste (TL) liuhosi Ajénsia TradeInvest Timor-Leste, Entrega Sertifikadu Deklarasaun Benefisiáriu Ba Empreza Aero Dili.

Ministru Koordenadór Asuntu Ekonómiku, Joaquim Amaral, apresia ba empreza nasionál ne’ebé mak investe ona iha area estratéjiku ne’ebé mak hamorin nasaun nia naran iha mundu internasionál liuhosi Bandeira RDTL iha Aviaun.

ADVERTISEMENT
SCROLL FILA BA NOTISIA


“Ha’u lori governu Timor Leste nia naran hato’o parabéns ba empreza Aero Dili ne’ebé investimentu dahuluk iha Timor-Leste Aviaun marka ho Bandeira RDTL, ida ne’e la fasil liu prosesu hotu, maibé ho sira ne’ebé sira esforsu”, dehan Joaquim Amaral, iha serimónia entrega sertifikadu investimentu iha salaun TradeInvest Kolmera, Kinta (04/05/2023).

Nia hatete, governu iha obrigasaun atu apoiu no proteje investór nasionál ba investimentu hotu tuir dalan legal. Governu atribui deklarasaun benefísiu hodi empreza bele goja benefísiu fiskál aduaneiru tuir lei investimentu privadu, hein katak ho apoiu ne’e empreza bele halo operasaun ho susesu atu ne’e bele promove Timor-Leste iha setór turizmu.

Lee Mós :
Membru Parlamentár Kestiona Problema Bee Moos

“Ita halo promosaun ba turizmu, maibé ita nia konetividade mak ladún efetivu mak lahetan vitória di’ak, nune’e ita sei hetan difikuldade hodi dada turista sira mai vizita iha nia rain, tanba ne’e presiza mós hadi’a infraestrutura Aeroportu”, nia haktuir.

Iha fatin hanesan Diretór Aero Dili, Lourenço de Oliveira, hatete Aero Dili hahú halo ona investimentu ho montante millaun 12 USD ba tinan dahuluk, ba tinan oin sei investe sa’e ba millaun 20 USD.

“Ami hahú investe uluk millaun 12 USD tinan oin mai ami sei investe sa’e millaun 20 USD, pozisaun investimentu sei sa’e to’o millaun 12 USD inklui aumenta iha aero foun hodi bele loke rota aeronave sira hodi hatán ba nesidade iha merkadu rejionál”, nia haktuir.

Lee Mós :
Relatóriu Hatudu Kompañia Rekolla Lixu Servisu La Onestu

Hanesan aero Dili sei konstroi nasaun nia ema hodi loke sentru treinamentu iha tinan rua ka tolu ba oin, investimentu ho kapitál umanu mak sai hanesan pillar ida ne’ebé importante.

Atu garantia susesu iha indústria sentru treinamentu sei loke iha Dili ho programa treinamentu ba hanesan pilotu aeronave, enjeñaria, mekániku no fó mós  ajénsia estadu ba sira ne’ebé presiza halo formasaun ida ne’e mak kometimentu sira nian.

Aero Dili sei haruka Timor oan na’in-neen ba eskola pilotu, na’in-tolu iha area aeronave no na’in-tolu eskola Enjeñeiru iha Nasaun Fransa, Estadus Unidu no mós Dubai.

“Ita atu fahe notísia di’ak ida kona-ba treinamentu iha fulan oin ba faze dahuluk ita haruka rekursu umanu Timor Oan na’in-neen ba eskola hanesan pilotu na’in-tolu ermosa no na’in-tolu Enjeñeiru iha nasaun Fransa, Estadu Unidus no mós iha Dubai”, nia dehan.

Lee Mós :
Moras IR, Estómagu no Kulit Aas Iha Klínika Motaél

Nia hatete, ba investimentu refere, aggrades ba servisu hamutuk ho kampaña  Arpas ne’ebé mak oferese pakote edukasaun ba rekursu umanu.

“Aero Dili nia mehi tinan tolu ba oin se bele semo ba europa no montante investimentu ne’e sei atije millaun 50 USD, tanba ne’e ho apoiu ne’ebé mak agora governu fó hodi distúrbiu deklarasaun benefísiu mai Aero Dili, ami sei haka’as-an atu bele aproveita oportunidade no fasilidade hotu ne’ebé mak estadu oferese  hodi bele konkretiza mehi atu nakfilak ba realidade no futuru”, nia tenik.

 1,329 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu TL Entrega Sertifikadu Deklarasaun Bene…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No