DILI (Timor Post)- Polísia Nasionál Timor Leste (PNTL) liuhusi Komandante Tránzitu Munisípiu Díli, Inspetór Xefe Domingos Sarmento Gama, hatete operasaun kalan ne’ebé sira hala’o iha Kapitál Dili, konsege Preende motorizada hamutuk 25 no kareta tolu no mos inklui detein Joven na’in-tolu.
“Ita halo operasaun horikalan iha Kuarta (20/07), ita konsege prende motorizada 25 no karreta-3, no mós detein Joven na’in-3, ne’ebé deskonfia laiha karta kondusaun no la hatudu iha momentu ne’e”, nia hateten iha nia knaar Kaikoli, Kinta (21/07).
Nia dehan, hafoin sira detein Suspeitu na’in-tolu, iha Suspeitu femenina ida ne’ebé ohin (21/07) dadeer hatudu ninia karta kondusaun, tanba ne’e mak Ekipa tránzitu sei liberta, maibé sira seluk ne’ebé seidauk iha karta kondusaun sei aprezenta ba iha Ministériu Públiku no hodi prosesu tuir lei.
“Motorista na’in rua ne’ebé laiha karta kondisaun ita sei prosesu kontinuasaun ba Ministériu Públiku no kontinua ba iha Tribunál no desizaun ikus iha Tribunál,” nia hateten.
Nia dehan, iha Prosesu operasaun Polísia Tránzitu husi Komandu Munisípiu Díli, halo ne’e, prende motorizada 25 no kareta tolu (privadu) no detein Suspeitu na’in-tolu mak hanesan, feto ida ho inisiál, MRTT ho idade 24 , mane ida ho naran inisiál EPP ho idade 21 no mane ida tan inisiál PC ho idade 26.
Ikus nia dehan, joven na’in-tolu ne’ebé kaptura lori ba iha PNTL Munisípiu Dili detein iha ne’ebá no daudaun ne’e iha hela prosesu nia laran.
834 total views, 3 views today
Bele hare Video Seluk :
Subscribe to Timorpost
