Dili (timorpost.com) —Joven feto na’in-rua no mane na’in-ida ho inisiativa kria rasik servisu ba sira nia-an liuhosi fan Bebidas Es Boba, tanba moris ne’e labele depende de’it ba iha inan no aman.
“Ami na’in-tolu inisiativa halo negósiu ida ne’e, tanba ami aprende hosi Youtube, ita la aprende halo buat sira ne’e mak ita loron kalan husu osan hosi ita nia inan aman sira, maibé ita kriativu ita hetan osan”, dehan Jhony Barton, ba Timor Post iha nia servisu fatin, Bebora Dili, Sesta (12/05/2023).
Nia hatete, sira loke negósiu ho produtu Bebida Es Boba Boba, ho folin 1.00 USD.
“Ami hahú hala’o negósiu iha segunda 08/05/2023 foin lais, ami nia es boba ne’ebé ami fan ne’e fohin los, tanba buat foun ne’ebé mak mosu iha ema nia leet”, nia tenik.
Ida ne’e hanesan kriativu ida ne’ebé menu man es boba ne’e hanesan viral no modernu ema barak labarik ki’ik to’o ema, joven feto no mane sosa ba hemu.
“Fatin ne’e ami aluga ema nian mak ami fan ami nia produtu sira ne’e fulan ami selu. Ami loke hahú hosi tuku 10 to’o tuku 6 loraik”, nia subliña.
Fan sasán sira hanesan ne’e presiza fatin ne’ebé estratéjia iha estrada ibun, ema tenke movimentu ba mai, atu nune’e produtu sira ne’ebé fan ne’e ema bele sosa lalais, kuandu fan iha tama ba ran susar ema atu sosa no susar mós atu hetan tendimentu.
“Ami produs Es Boba ne’e ho ami nia osan rasik mak hodi sosa sasán sira hodi halo Es Boba ne’e, se ita mak hanesan ne’e oinsá mak ita atu hetan osan, ita moe osan sei laiha no ita la moe osan sei tama mai ne’e hanesan bee no buat hotu ita halo ho pasiénsia”, nia haktuir.
Nia haktuir, ida ne’e hanesan kampu servisu ida ba sira, presiza loro-loron nian mós mak iha ne’e ona, la presiza buka servisu tuur kantór.
“Ita badinas osan sei mai no ita baruk ten osan sei laiha, maibé buat importante ida mak pasiénsia”, nia hakotu.
2,106 total views, 3 views today
Bele hare Video Seluk :
Subscribe to Timorpost
