DILI (Timorpost.com) Prezidente Kompañia Aero Dili, Lourenco de Oliveira, afirma kompañia Aero Dili sei fo prioridade kapasita rekursu umanu timoroan liuliu iha area pilotu no mekánika.
Lourenco de Oliveira, informa, Aero Dili sei konstrui nasaun nia ema, hodi loke sentru treinamentu iha tinan rua ba oin, investimentu iha kapitál umanu mak sai hanesan pillar importante.
Atu garante susesu iha indústria aviasaun, sentru treinamentu ida nee sei loke iha Dili, ho programa treinu ba pilotu, aeromosa, enjeñeiru, mekánika no mós ajénsia estadu nian ne’ebé mak presiza atu halo formasaun rotina.
“Ida nee mak kometimentu boot ami nian, atu fahe mós notísia di’ak kona ba treinamentu, katak iha fulan oin”, nia hatete hafoin simu sertifikadu Free Tax husi TradInvest Timor-Leste iha salaun TradInvest Kolmera, Kinta (04/05).
Faze dahuluk, Aero Dili sei haruka rekursu umanu timoroan ba eskola hanesan pilotu, hanesan pilotu na’in 6, aeromosa na’in 10 ho enjeñeiru na’in 3, nee ba iha Estadu Unidus Amérika no mós iha Dubai.
Nune’e mos oferese pakote edukasaun ba rekursu umanu, pilotu 26, aeromosa 20 mekánika no enjeñeiru hamutuk 30.
Lourenco dehan, Aero Dili nia mehi ba tinan tolu ba oin, sei bele semo ba Europa, ho montante investimentu nee atingi too millaun 50 USD.
Tanba nee ho apoiu ne’ebé governu fó hodi atribui deklarasaun nee hanesan benefísiu mai Aero Dili.
“Ami sei haka’as aan hodi aproveita oportunidade no fasilidade hotu ne’ebé mak estadu oferese”, nia promete.
Hodi bele nakfila mehi ba realidade futuru nasaun timor-leste nian, ida nee sira sei esforsu makaas oinsá konkretiza mehi.
Iha fatin hanesan Ministru Koordenadór Asuntu Ekonómika Joaquim Amaral, hatete prezidente kompañia Aero Dili harii kompañia Aero Nasionál ne’ebé ho competitive hodi timoroan bele goja independénsia.
Nee konfiansa ida boot investe iha Indústria Aero Dili ho dezafiu boot tebe-tebes, hanesan indústria aviasaun,
Tanba nee lori oitavu governu nia naran fo parabéns ba prezidente kompañia Aero Dili, Lourenco ho ninia estrutura tomak.
Husi investimentu nee rasik, primeiru investimentu ne’ebé mak hatuur bandeira RDTL iha aviasaun, nee kompañia nasionál ne’ebé mak bele tau bandeira nasionál iha kompañia.
6,885 total views, 3 views today
Bele hare Video Seluk :
Subscribe to Timorpost
