ADVERTISEMENT

PNTL Hahú Patrullamentu Rigurozu no Extra-Ordinária iha Dili

Hermengildo Da Costa - Defesa no Seguransa · Dili
Jornalista : Florindo Coluna
Editor : Liduway Xavier
  • Share
Komandante Seksaun Operasaun PNTL munisípiu Dili, Inspetór Xefe Polísia, José Luis Amaral.

DILI, (timorpost.com) — Komandu Polísia Nasionál Timor-Leste (PNTL) munisípiu Dili orienta ona Komandante Seksaun Operasionál halo patrullamentu rigurozu no extra-ordinária iha kapitál Dili hodi garante estabilidade iha loron boot sira atu nune’e ema hotu bele livre festeza Natál no simu tinan foun.

“Ami-nia membru seksaun operasionál prontu, i ami hetan orientasaun husi komandu munisípiu Dili, ne’ebé ami sei halo patrolla extra-odinária iha sidade Dili, atu asegura loron boot sira hanesan 28 Novembru, selebra Natál 2023, no simu tinan foun 2024, para ema la’o livre, iha páz no estabilidade atu selebra loron boot sira ne’e”, Komandante Seksaun Operasionál PNTL munisípiu Dili, Inspetór Xefe Polísia Jose Luis Amaral, informa ba Timor Post iha kuartél PNTL munisípiu Dili, Kaikoli, Kuarta, (22/11/2023).

ADVERTISEMENT
SCROLL FILA BA NOTISIA


Lee Mós :
F-FDTL Ho PNTL Tenke Asegura Komunidade Nia Sasan

Tanba ne’e, Inspetór Xefe Polísia Jose Luis Amaral, hatutan, “Patrullamentu ida-ne’e sei halo rigurozu, tanba involve Unidade Polísia Espesiál, Unidade Polísia Marítima ho forsa armada Polísia Militár, nune’e mós parte servisu informasaun sekreta, ita sei tuun, ajuda malu atu garantia estabiliade iha sidade Dili”.

Durante patrullamentu konjuntu ne’e, koordena mós ho PNTL eskuadra sira hodi haree joven sira ne’ebé nakar, hemu tua iha fatin públiku, joven sira ne’ebé gosta provoka situasaun, gosta tuda malu, gosta halai motorizada ho kanu-resin, halai karreta la tuir kódiku estrada, sei atua hotu.

Lee Mós :
Ekipa Konjuntu Prende Karreta Estadu 71

Nune’e Komandante Seksaun Operasaun PNTL munisípiu Dili apela “Dala ida tan ba sidadaun hotu-hotu, liuliu ba joven sira, di’ak liu kontribui, kondúz motorizada ho karreta karik kumpri kódiku estrada, labele halo provokasaun, labele hemu tua iha fatin públiku, hemu iha fatin lanu toba, labele tuda malu, mas la kumpri maka ami-nia membru iha operasaun ne’e ka’er kona, sei simu ninia konsekuénsia”.

Lee Mós :
PNTL Kaptura Tan Ona Membru PSHT 24

Iha nasaun demokratiku, ema hotu livre atu halo movimentu hodi selebra loron boot sira ne’e, see ema ruma halo impedementu ba ema seluk nia liberdade atu partisipa iha eventu 28 Novembru, selebrasaun Natál no simu tinan foun 2024 nian, forsa konjunta iha operasaun extra-ordinária sei la tolera aktu krime sira ne’e.(*)

 2,129 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Hahú Patrullamentu Rigurozu no Extra-Ordin…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No