DILI (timorpost.com) — Ohin loron 22 fulan-Novembru tinan 2023, Diresaun Jerál Rejistu Servisu Notariadu (DJRSN) hahú halo atendimentu pasaporte ba públiku, maibé tenke dudu-malu tanba ema barak mak hakarak trata pasaporte. Tanba ema barak, nune’e atendimentu hetan seguransa másimu husi membru Polísia Nasionál Timor-Leste (PNTL).
Tuir observasaun Timor Post nota katak, Timoroan barak tenke forma no sena-malu ho liña naruk hodi trata pasaporte. Aliende forma ho liña naruk, balun kontinua seidauk tama iha formatura ne’ebé nakonu iha arredores notariadu nian, inklui balun kontinua nadodon tama arredores notariadu nian.
Antes ne’e mós Diretór Jerál Servisu Rejistu Notariadu (DJSRN), João Fernando Martins Borges, informa, iha loron 22 hahú atendimentu públiku ba trata pasaporte ne’e sei hahú ho abitante na’in 140 kada loron ne’ebé kompostu husi adultu feto na’in 50, adultu mane na’in 50, labarik 15, idozu 15 no maluk sira ho kondisaun defisiénsia na’in 10.
Númeru atendimentu ne’e la inklui pedidu ofisiál sira husi instituisaun relevante.
Iha munisipiu sira sei fó kompeténsia ba Diretór Munisipiál sira hodi jere atendimentu rasik bazeia ba pedidu.
Pasaporte sira ne’e ninia tipu bazeia bá nia pagamentu $100 bá tratamentu oras 24, $75 tratamentu loron tolu, $50 tratamentu loron sanulu.(*)
1,530 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Tanba Pasaporte Timoroan Dudu-Malu](https://timorpost.com/wp-content/uploads/2023/11/WhatsApp-Image-2023-11-22-at-10.59.04.jpeg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)