ADVERTISEMENT

Públiku Kestiona Atedimentu Servisu Notariadu Tarde

Hermengildo Da Costa - Dili · Jeral · Justisa
Jornalista : Beatriz Belo
Editor : Liduway Xavier
  • Share
Atendimentu Pasaporte iha tuku 9:00 ona seidauk la'o.

DILI (timorpost.com) — Públiku kestiona tanba funsionáriu sira servisu iha Diresaun Jerál  Rejistu  Servisu Notariadu (DJRSN) ladún di’ak tanba funsionáriu sira halo atendimentu ba públiku liuliu atende sidadaun sira ne’ebé trata pasaporte tarde liu.

“Ami iha ne’e preokupa tebes, tanba ami mai dezde tuku 1 madrugada, hahú ema nakonu ona iha formatura no aredór notariadu, maibé sistema atedimentu Diresaun Jerál  Rejistu  Servisu Notariadu ladún di’ak, tanba atende tarde loos, tanba to’o tuku 09:00 ona seidauk halo atedimentu,” Lucas dos Santos, Timoroan ne’ebé trata dokumentu iha Notariadu to’o preokupasaun ne’e ba jornalista sira iha DJRSN, Bebora-Dili, Kuarta (22/11/2023).

ADVERTISEMENT
SCROLL FILA BA NOTISIA


Lee Mós :
MJ Foun Sei Avalia Servisu PSIK

Ho sistema atendimentu ne’ebé tarde no atendimentu ba ema oituan de’it mak nia husu “Governu atu hadi’a sistema, mais ou menus loron ida atendimentu ba abitantes sira ho númeru 1.000 hanesan ne’e atu nune’e bele hamenus númeru abitante, maibé karik sira atende de’it 140, tuir ha’u-nia haree susar liu atu hamenus númeru ne’e, núne’e mós komunidade sira ne’ebé mai tarde labele trata pasaporte refere”.

Nia dehan, ho númeru ema trata pasaporte ne’e bo’ot entaun tenke mosu sena-malu no hada’u malu fatin para forma uluk tanba tratamentu kada loron to’o de’it ema 140.

Lee Mós :
Governu Presiza Instala Internet iha SFJJ

Iha fatin hanesan, Jorge Barros, hatete, tenke simu realidade tanba kleur ona la halo tratamentu ba pasaporte, ema barak no númeru tratamentu pasaporte kada loron ne’e 140 de’it.

“Ita simu konsekuénsia ida-ne’e, tanba tuir informasaun ne’ebé mak sira pasa ona mai ita katak sira fahe ona pasaporte ba kada munisípiu sira no ita haree iha munisípiu Dili ho ema ne’ebé mak barak tebes-tebes, tanba ne’e ita tenke hasoru situasaun ida-ne’e, la’os failasu husi sistema, maibé realidade komunidade sira barak duni,”Jorge hatete.

Tuir nia, situasaun sena malu no antrian ne’e normál tanba prosesu ne’ebé ema hotu hein tempu naruk tebes, tanba ne’e husu komunidade atu pasiénsia no simu konsekusnia ida-ne’e.

Lee Mós :
MESCC disponibilizará bolsas de estudo para 50 professores do ensino superior privado

“Ita husu ba komunidade sira atu la bele sa’e moru, tanba ida-ne’e hahalok ida ladi’ak ba ita hotu,” nia hakotu.

Timoroan sira trata pasaporte ne’e ho objetivu mak balun hakarak viajen ba rai-liur, buka servisu iha rai-liur no balun tuir hela formasaun ba atu ba servisu iha Korea no Austrália.(*)

 894 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Públiku Kestiona Atedimentu Servisu Notariadu T…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No