ADVERTISEMENT

UPM Falta Fasilidade Kontrola Tasi Timor

Mario da Costa - PNTL
Reportajen : Beatriz Belo
Editor : Mario da Costa
  • Share
Segundo Komandante Unidade Polisia Maritima (UPM), Superintendente Eugenio Pereira, Imajen TP/Beatriz Belo

DILI (Timor Post)- Polísia Nasionál Timor Leste (PNTL), nia Unidade Polisia Maritima (UPM) utiliza de’it Ro tolu hodi halo operasaun iha tasi, hodi halo prevensaun ba kontra bandu ne’ebé akontese iha area tasi nian, tanba ró hirak ne’ebé durante ne’e utiliza hodi fasilita servisu operasaun avaria hotu ona.

Segundo Komandante Unidade Polisia Maritima (UPM), Superintendente Eugenio Pereira, hatete Ro tolu ne’ebé durante sira utiliza hodi halo operasaun no prevensaun krime iha area kosteira mak hanesan, Ro Kay Rala, no Ro NV rua, maibé nia operasaun ne’e ladún boot.

“Ro tolu ne’e mak ami utiliza hodi halo atividade operasaun hodi kontrola tasi,” nia hateten ba jornalista sira iha Sentru Formasaun Polisia, Kuarta (06/07).

Nia hatete, Ro tolu ne’e la sufisiente hodi kontrola tasi ne’ebé luan, maibé apoiu servisu kontrola la’o ain husi membru sira ne’ebé destaka iha postu kosteira rezultadu hatudu prevensaun krime iha tasi ne’e la’o di’ak.

Entretantu nia dehan, total Ro ne’ebé durante ne’e sira uza ba atividade operasaun hamutuk 17, maibé hahú husi tinan 2016 mai ne’e Ro 14 avaria tiha, no hela de’it tolu (3) mak di’ak to’o agora.

Lee Mós:
Operasaun Kalan, PNTL Prende Motorizada 25 no Detein Joven Na'in-3

“Ro 14 ne’ebé avaria ne’e ita aprezenta ona ba Komandu Jerál Polisia Nasionál Timor-Leste (PNTL) hodi halo manutensaun nune’e ita bele utiliza fali, hodi halo operasaun hodi kobre tasi Timor,” nia informa.

Tan ne’e, sira fiar katak Komandu Jerál PNTL bele konsidera proposta ne’ebé aprezenta ona hodi bele halo manutensaun ho tipu emerjénsia ba Ro 14 ne’e.

Iha fatin hanesan Xefe Administrasaun no Planeamentu iha Komandu Jerál PNTL, Superintendente Calistro Gonzaga, hatete Ro Unidade Polisia Maritima (UPM) nian ne’e komandu bolu ona téknika sira hodi haree maibé kondisaun at hotu kedan.

Lee Mós:
PNTL-ICRC Asina Akordu Estensaun Servisu

“Ita tau ona osan maibé ita sei haree bainhira manutensaun ne’e nia durasaun ba utiliza ne’e, to’o tinan hira, se tinan ida ka rua, ita sei la halo manutensaun maibé sosa foun de’it,” nia hakotu.

 695 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “UPM Falta Fasilidade Kontrola Tasi Timor” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: