ADVERTISEMENT

Ekipa Konjuntu Halo Operasaun ba Veíkulu Estadu

Mario da Costa - Defesa no Seguransa
Jornalista : Beatriz Belo
Editor : Mario da Costa
  • Share
Ekipa konjuntu kompostu hosi PNTL, DNTT, KAK, KFP no Patrimóniu Estadu, realiza konferénsia imprensa relasiona operasaun ba veíkulu Estadu ne’ebé halo iha Mandarin, Kulu-hun no Elemloi, Sábadu (02/07), Imajen: Bety

DILI (Timor Post)-Ekipa Konjunta kompostu husi Polisia Nasionál Timor-Leste (PNTL), Komisaun Anti Korrupsaun (KAK), Diresaun Nasionál Transporte Terreste (DNTT), Patrimóniu Estadu ho Funsaun Publika, Sábadu (02/07), halo operasaun iha Area Mandarin, Kulu-hun no Delta Elemloi, konsege prende karreta Estudu Hitu (7) no motorizada neen (6).

Diretór Jerál, Patrimóniu Estadu Ministériu Finansas, Januário Gama, hatete fiskalizasaun ba movimentu veíkulu Estadu, ohin realiza ne’e tuir rezolusaun Governu 130/2021, ne’ebé ho objetivu atu bele bandu efisiénsia no efetividade ba iha despeza no ba iha utilizasaun.

ADVERTISEMENT
SCROLL FILA BA NOTISIA


“Fiskalizasaun ne’e atu ita promove efisiénsia ba iha utilizasaun nian, tanba hotu-hotu hatete dezde rezolusaun Governu hasai no prosedimentu tékniku hatuur ona, despeju husi Ministériu Finansas no sirkulasaun finansas iha tiha ona katak veíkulu Estadu hotu-hotu konsidera hanesan veíkulu operasionál no obrigatóriu tenke halo estasionamentu iha garajen iha Ministériu ida-idak nian”, nia hateten liuhusi konferénsia imprensa iha DNTT Balide.

Nia dehan, signifika utilizadór sira hahú husi Segunda to’o Sesta-Feira no inklui mós fin de semana, katak labele lori karreta Estadu ba iha sira Rezidénsia, kuandu laiha justifikasaun, tanba ne’e mak ohin fiskalizasaun halo ne’e mai ho intensaun ida atu haree serake iha defisiénsia ruma implementa rezolusaun ne’e.

Lee Mós :
Kazu Set-Top Box RTTL-EP, KAK Kontinua Buska-Apreensaun Iha Gabinete MAPKOMS

Tanba ne’e, ohin ekipa fiskalizasaun konjuntu hafoin reativa servisu ida ne’e iha terrenu konsege identifika movimentu balun ne’ebé agrupa iha infrasaun ida ne’ebé ke tenke integra ba iha Polisia Nasionál Timor-Leste nia prosedimentu, balun konsidera infrasaun natureza administrativu no tenke kanaliza ba iha entidade sira hanesan KAK no Funsaun públiku, maibé ne’e hanesan aprezentasaun Samatiu de’it, maibé ho nia relatóriu Detallu ho nia evidénsia no nia informasaun sira ne’e hotu ekipa fiskalizasaun konjuntu sei prepara no sei relata hotu ba entidade sira hotu depois prosesu sira ne’ebé atu halo tuir ne’e, adiantamentu entidade sira ne’e sei hola asaun.

Nia hatete, ohin konjuntu fiskalizasaun halo movimentu veíkulu Estadu ne’e iha forma rua, ida halo iha forma auto STOP ne’ebé halo konservasaun fatin tolu, Mandarin, Kulu-hun no iha Delta Elemloi, iha forma seluk mak halo monitorizasaun Direita iha fatin Potensiál sira ne’ebé durante ne’e ekipa fiskalizasaun konjunta iha ona informasaun balun, atu halo nia fundamental no evidénsia no informasaun balun.

Lee Mós :
KFP Prontu Apoiu Programa Governu Da-Sia Nian

“Veíkulu ne’ebé tama ba iha alvu operasaun check point nian no auto STOP, no iha Mandarin konsege identifika Karreta hamutuk unidade lima no motorizada ida, iha Elemloi konsege Motorizada hamutuk lima ne’ebé tama ba iha grupu infrasaun nian, nune’e mós iha Kulu-hun konsege prende evidénsia ba karreta unidade ida, tanba ne’e sei iha prosesu rekolla evidénsia no ita presiza analiza nia prosesu no enkuadramentu prosesu legal sira depois ita bele halo agrupamentu ba grau no tipu infrasaun ne’ebé mak iha, depois iha relatóriu final mak kanaliza ba iha entidade sira ida-idak depois halo prosesu”, nia relata.

Entretantu halo monitorizasaun direita ne’e iha karreta Estadu ida, nota katak utilizadór balun durante ne’e uza maibé para de’it iha nia rezidénsia, nune’e foti ona nia evidénsia depois mak relata oinsá bele kanaliza prosesu ne’e ba oin.

Lee Mós :
Falta Médiku, Maukoli: KFP Mak Halo Rekrutamentu

Sasán sira ne’ebé ohin konsege prende ne’e, nia konsekuénsia iha tolu, mak sei aplika pena infrasaun, ne’e sei kanaliza liuhusi PNTL, infrasaun tenke selu koima ba Estadu, prosesu administrativa no sei liuhusi funsaun públiku no utilizadór sira ne’ebé halo irregularidade ba karreta Estadu, depende ba nia grau ida ne’ebé boot, hafoin mak haruka KAK para halo nia prosesu tuir nia entidade sira.

Ikus nia dehan, servisu ida ne’e konjunta fiskalizasaun sira sei kontinua halo Check point no halo monitorizasaun direita ba karreta Estadu sira ne’ebé utilizadór sira uza lori ba para iha sira-nia rezidénsia.

 1,988 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ekipa Konjuntu Halo Operasaun ba Veíkulu Estadu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No