2022, PNTL Konsideradu Servisu La Másimu

DILI (timorpost.com) — Organizasaun Sosiedade Sivíl balun konsidera Polísia Nasionál Timor-Leste (PNTL) servisu ladún másimu iha tinan 2022.

Movimentu Feto Ativista Timor-Leste, Filomena Barros dos Reis, hatete durante tinan 2022 servisu PNTL nian ladún másimu.

SCROLL FILA BA NOTISIA

“Ita ko’alia kona-ba seguransa, liuliu polisia ne’e ita ko’alia bei-beik, tanba ho sira-nia servisu ne’ebé dala-barak la’o no dala-ruma la’o depois komete violénsia barak, durante ita haree kazu barak mak pendente,” nia hateten ba Timor Post Online, Kinta (05/01).

Nia hatutan, dala-barak ema komete tiha violénsia, PNTL sira suspende depois hatama fali ba servisu, enkuantu kazu sira ne’e seidauk rezolve.

Lee Mós :

Prezidente Horta Husu Governu Apoiu Másimu ba PNTL ho F-FDTL

“Polisia ne’e dala-barak ita haree lala’o tuir lei no orden loloos, tanba ne’e ita bele dehan sira servisu durante tinan 2022 ne’e la’o, maibé la másimu,” nia afirma.

Entretantu pelu kontrátriu ho Organizasaun Naun Governmental (ONG) Fundasaun Mahein (FM), tanba fó kongratulasaun ba servisu Polisia Nasionál Timor-Leste (PNTL) nian durante tinan 2022.

“PNTL enjeralmente halo sira-nia knaar ho di’ak tebes, tanba ne’e ami fó parabéns ba servisu di’ak ne’ebé sira hala’o durante iha tinan 2022,” Diretór Interinu Fundasaun Mahein (FM), Abel Amaral, hato’o asuntu ne’e iha nia knar fatin, Bairru Grillus, Bidaun Akadiru-hun.

Lee Mós :

Instituisaun Seguransa Kontinua Buka Suspeitu Oho Rozalina Iha Riatu

Nia dehan, sira-nia parte fó parabéns ba PNTL, tanba bele asegura situasaun seguransa ba iha Eleisaun Prezidensiál no mós Natal ho Tinan Foun.

“Ita haree foin lalais, Natal ho tinan foun ne’e, la’o di’ak, tanba PNTL sira halo seguransa iha momentu ne’ebá,” nia hateten.

Nia hatutan, maski balun akontese no PNTL rasik mós tuir alegasaun envolve, hanesan iha Munisípiu Bobonaru, maibé ida ne’e sei hein rezultadu investigasaun tebes ka lae, tanba investigasaun mak bele determina.

Lee Mós :

Prosesu Kazu Tiru iha Gariuai, PNTL Entrega Ona ba MP

“Ema hotu-hotu haree iha jornál, media sosiál, vítima no família, ko’alia sai katak asaun fíziku ne’e PNTL mak komete duni, tanba ne’e hein rezultadu investigasaun, tanba komandu jerál forma ona ekipa ida atu halo investiga hodi hatene loloos akontesimentu ne’e”, nia informa.

Maibé, ikus nia dehan enjeralmente, Fundasaun Mahein kongratula servisu PNTL, durante tinan kotuk, sira halo knaar di’ak tebes-tebes, mezmu iha difikuldade oin- oin.

2,418 total views, 3 views today

Oinsa Ita nia Reaksaun iha Notisia Nee?