DILI (timorpost.com)—Polísia Nasionál Timor-Leste (PNTL) liu husi Departamentu Investigasaun kriminál Nasionál (DIKN) detein suspeitu ida ho inisiál AMV (29), komete kazu furtu agravadu no burla agravadu, uza ema seluk nia identidade bosok ema ho video call hasai roupa ameasa vítima hetan osan.
Sidadaun inisiál AMV, detein tanba involve kazu tolu mak, Kazu Burda Gravadu, Furtu Agravadu no Grooming.
Mandadu kapturasaun ne’e horisehik maizumenus haleu tuku 3:00 Oras Timor-Leste iha Banku Western Union iha area Timor Plaza, Postu Administrativu Dom Aleixu, Munisípiu Dili.
Suspeitu ho naran inisiál AMV idade (29) orijen husi aldeia Atu Barak, Suku, Obulo, Postu Administrativu Atsabe, Munisípiu Ermera.
Tuir faktu ne’ebé iha sidadaun ne’e halo krime ho modus operante servisu hamutuk ho sidadaun Feto estranjeiru (Indonézia) ho inisiál S liuhosi media sosiál.
Modus ne’ebé sira uza mak habosok timoroan ne’ebé servisu iha Korea do Súl, depois finje naroma tuir sosiál media halo video Call (VC) molik, entaun sidadaun estranjeiru ne’e manda video ka foto sira ne’e habosok atu husu osan.
“Evidénsia rua mak komete husi sidadaun inisiál AMV, primeiru ameasa la fó osan sei públika video molik sira ne’e, segundu uza ema seluk nia identidade hodi hetan osan”. Xefe
Departamentu Investigasaun Kriminál Nasionál (DIKN), Superintendente Xefe, João Belo dos Reis, ba Jornalista liuhosi Konferénsia Press iha Komanda Jerál PNTL, Kuarta Feira (13/09/2023).
Nia haktuir, husi aktus refere sidadaun ne’e rekolla ona osan ho montante kuaze 1.000 dollar.
“Mensajen ba públiku liuliu joven sira kuidadu aan tama iha senáriu modus operante ne’ebé ema sira halo,”.
Iha prosesu Investigasaun DIKN rejista kazu refere ho Númeru Úniku Krime NUK: 0255/23.
Ekipa lori kedas ba detein iha sela detensaun Polísia Kaikoli durante oras 72, depois aprezenta ba Ministériu Públiku (MP) kontinua prosesu interrogatóriu dahuluk iha tribunal atu foti desizaun tuir lei ne’ebé vigor iha Timor-Leste.
Entretantu kazu ne’ebé suspeitu AMV Komete iha kódigu Penal Timor-Leste iha artigu 252 Furtu agravadu iha númeru dahuluk hateten Ajente ne’ebé pratika aktu sira referidu iha artigu anterior sei hetan pena Prizaun tinan rua to’o tinan 8 iha prizaun.
Iha artigu 267 burla agravadu pontu A hateten hamosu prejuizu ho valor aas liu dollar amerikanu 2.000 ho pontu B prátika burla hanesan nia servisu loron no iha pontu C halo vítima tama iha situasaun ekonómika difisil sei hetan pena Prizaun tinan 3 to’o tinan 10.
1,251 total views, 3 views today
Bele hare Video Seluk :
Subscribe to Timorpost
