DILI, (timorpost.com)— Komandante Jerál Polísia Nasionál Timor-Leste (PNTL), Komisáriu Jerál Polísia, Henrique da Costa, hatete rekrutamentu ba membru PNTL iha tinan 2024 sei rigurózu liután tanba sei iha juramentu ba bandeira Repúblika Demokrátika Timor-Leste (RDTL) husi membru foun sira ne’ebé inklina-an ba arte marsiál no arte rituál.
“Rekurtamentu ba polísia foun sira ne’e, ita sei prepara juramentu ida ohin (07/12/2023) ne’e, ita sei oferese ba iha membru sira bainhira sira gradua iha sentru formasaun polísia, sira tenke halo juramentu ida-ne’e”, Komandante Jerál PNTL, Komisáriu Jerál, Polísia Henrique da Costa, informa ba jornalista hafoin partisipa juramentu membru PNTL ho F-FDTL iha Palásiu Governu, Kinta, (07/12).
Nia hatutan, “Sira halo juramentu, depois deklarasaun ida-ne’e ita sei arkiva hamutuk ho sira-nia fixa pesoál, atu nune’e ba oin sira remata iha sentru formasaun sai membru polísia maka sira ba envolve tan fila-fali arte marsiál, ita uza dokumentu ne’e hodi prosesa nia”.
Tanba ne’e, prosesu rekrutamentu ba membru foun sei haree mós ba involvimentu arte marsiál no arte rituál, atu nune’e remata treinamentu iha Sentru Formasaun Polísia tenke tuir juramentu ne’ebé iha ona, atu nune’e joven sira ne’ebé deside-an sai membru PNTL tenke prontu atu serví instituisaun, povu no rai doben Timor-Leste.(*)
2,575 total views, 3 views today
Bele hare Video Seluk :
Subscribe to Timorpost
