MANUFAHI–Komunidade uma kain 160 husi aldeia Darfu no aldeia Ermori, Suku Fatukalo, Postu Administrativu Turiskai, Munisípiu Manufahi, husi loron kuarta (13/12) hetan naroman hafoin EDTL.EP halakan eletrisidade.
Kompañia Kefin Oil ne’ebé responsabiliza ba projetu rekoinese katak kompañia halakan duni eletrisidade ba komunidade sira. Orsamentu ne’ebé gasta ba prosesu konstrusaun ne’e iha US$ 298,000.00 (dollar Amerikanu rihun atus rua sia nulu resin ualu).
Sikun seluk Pessoal Apoiu Suku (PAS) Fatukalo, Cosme dos Santos Oliveira agradese no orgullu tebes tanba Fatukalo hanesan suku ne’ebé iha area remota maibé bele hetan ona naroman eletrisidade nian.
“Ami sente kontente tebes ho ahi naroman, tanba ukun aan tinan rua nulu resin ona maibé ami ho komunidade suku Fatukalo foin sente loloos ukun aan ne’e iha tinan 2023. Agradese ba governu tanba ho naroman eletrisidade ne’e bele kore ona povu husi nakukun ba naroman,” Cosme dehan.
Antes ne’e komunidade iha area remota ne’e utiliza lampiaun no ai-oan tradisionál hodi uza iha tempu kalan ba nesesidade naroman nian no oan estudante sira estuda.(#)
2,998 total views, 6 views today
Bele hare Video Seluk :
Subscribe to Timorpost
