Jornalista Jaime Pires / Editór Noémio Falcão
DILI (Timor Post)—Polísia Nasionál Timor-Leste (PNTL) liuhusi Unidade Polísia Marítima (UPM), kaptura ema na’in-lima inklui sidadaun Indonézia na’in-ida nu’udar kapitaun ró ne’ebé transporta sasan ho meius ilegál.
Ekipa UPM kaptura sidadaun hirak ne’e iha loron 31/08/2021, iha area Dolokoan, Postu Administrativu Kristu-Rei, Munisípiu Dili, tuku rua madrugada hafoin ho Ro-Ai tula sasán hanesan tabaku joker kaixa 40, mina rai, motorizada ida, karreta truk ida ho Pic Up ida.
Hafoin kaptura sira iha ro laran no asegura iha kuartel UPM Lecidere, Dili, membru sira kontinua buka tuir na’in ba sasan hirak ne’e no konsege konsege kaptura iha Dolokoan tuku 11:30 liu hafoin suspeitu subar hela iha ne’ebá.
Komadante Unidade Polísia Maritima (UPM), Superentendente Baziolio de Jesus hatete, suspeitu ho naran inisial (ADDS) ne’ebé hatama sasán ilegal ne’e sai ona tarjetu ba UPM liu tinan rua ona tanba hatama sasán no hasai sasán ilegal.
“Nia ne’e halai hodi kalan ita tiru dala rua maibé nia kontinua halai nafatin, sorte la kona, kona karik pasiénsia, tanba nia ne’e tama iha UPM nia tarjetu tinan rua resin ona,” Komandante Basílio haktuir ba Jornalista sira iha nia servisu fatin, Lesidere, Tersa (31/08/2021).
Nia reforsa, suspeitu ne’e hatama no hasai sasán barak ona, nia hasai sasán husi Timor-Leste ba Indonézia mak hanesan, Aikameli no Sagico, enkuantu nia hatama sasán mós tabaku, mina no seluk tan.
Enkuantu sasán sira ne’ebé mak prende inklui Ro-Ahi ne’e lori ba tau ona iha Kuartel UPM, inklui ema na’in lima ne’ebé mak sira kaptura sei entrega ba Komandu PNTL Munisípiu Dili, hodi hatama bá sela detensaun hafoin kontinua ba prosesu investigasaun.
741 total views, 3 views today
Bele hare Video Seluk :