DILI, (timorpost.com) Ministériu Edukasaun (ME) liuhosi Diresaun Rekursu Umanu ME nian hahú loke prosesu inkrisaun ba bolsa kandidatu profesór ne’ebé antes ne’e loke iha teritóriu Timor laran tomak.
“Ministériu Edukasaun hamutuk ho Komisaun Funsaun Públika no NGO (Organizasaun Naun Governamentál) belun ne’ebé ajuda ministériu halo hela prosesu ne’e ne’ebé mak nia enseramentu iha loron 09 fulan-Feveréiru tinan 2024. Prosesu inkrisaun ne’e aplikante na’in-8.601, feto totál na’in-4. 916 no mane totál na’in-3.685, entaun husi totál ne’e ita refere katak aplikante feto sira ne’e nia persentajen barak liu mane no ita fó agradese tanba inan sira hakarak hola parte iha prosesu tuir aprendizajen ba iha futuru no prosesu tuir mai”, Portavós Gabinete ME, Filipe Rodrigues Pereira, informa ba jornalista sira iha edifísiu ME, Vila-Verde, Segunda, ( 12/02).
Husi númeru aplikante sira ne’e balun liu no balun sei la liu tanba dokumentu sira ne’ebé Ministériu Edukasaun presiza mak habilitasaun literária, kartaun identidade no fotografia ne’ebé iha.
Nia hatutan, prosesu ne’e todan tanba foin ba dahuluk ME loke konkursu públiku ho númeru boot hanesan ne’e, atu nune’e sidadaun sira ne’ebé iha kapasidade bele hola parte iha konkursu no bele sai bolsa kandidatu ba profesór.(*)
2,982 total views, 6 views today
Bele hare Video Seluk :
Subscribe to Timorpost
