ADVERTISEMENT

Estudante Foun Besik 5000 Asesu Ba UNTL Tinan Letivu 2023

Augusto Sarmento - Edukasaun
  • Share
Estudante UNTL

DILI— Ministériu Ensinu Superior Siénsia no Kultura (MESSC), liu hosi Komisaun Asesu Ensinu Superior (KAES) fó sai ona rezultadu estudante hamutuk na’in-4.804 mak asesu ba Universidade Nasionál Timor-Lorosa’e (UNTL) tinan akadémika 2023.

Prezidente Komisaun Asesu Ensinu Superior (KAES), Maria Filomena Lay Guterres, hateten, prosesu asesu ba ensinu superior públiku ba estudante foun tinan akadémika 2023, ne’ebé implementa ona husi Ministériu Ensinu Superior Siénsia no Kultura (MESSK), Universidade Nasionál Timor Lorosa’e (UNTL) no Institutu Politéknika Betanu (IPB)

ADVERTISEMENT
SCROLL FILA BA NOTISIA


Lee Mós :
Lere La Fiar Lú Olo Impede Nia kandidatura

“Ita nia estudante sira ne’ebé asesu ba UNTL tinan akadémika 2023 hamutuk na’in-4.804, husi Ensinu sekundária jerál no Ensinu Tékniku Vokasionál”, informa, Prezidente KAES, Maria Filomena Lay Guterres liu hosi press konferénsia iha salaun FDCH Kaikoli, Sesta (24/02).

Nia haktuir, estudante finalista husi Eskola Ensinu Sekundáriu Jerál (ESJ) no Ensinu Tékniku Vokasionál (ESTV) tinan akadémika 2022 hamutuk na’in-26.864.

Enkuantu estudante husi Ensinu Sekundáriu Tékniku Vokasionál (ESTV) no Ensinu Sekundáriu Jerál (ESJ) ne’ebé prienxe boletín hamutuk na’in-11.011, maibé na’in-15.853 mak la prienxe boletín.

Lee Mós :
Reativa Programa Alfabetizasaun

Alende estudante ne’ebé admitidu total hamutuk 3.567, husi Ensinu Sekundáriu Jerál na’in-3.161 no Ensinu Tékniku Vokasionál hamutuk 406 no estudante ne’ebé la-admitidu hamutuk 7.444.

Nia esplika, estudante ne’ebé kategoria hanesan rejime espesiál na’in-1.870, sira ne’ebé tuir ezame hamutuk 1.586 no na’in-284 mak la tuir ezame.

Nia haktuir, estudante ne’ebé kategoria hanesan veteranu nian oan hamutuk na’in-405, ema ne’ebé tuir ezame na’in-370 sira ne’ebé la tuir ezame hamutuk 35 pesoál.

Lee Mós :
Dosente  Miguel Maia Husik Iis Hafoin Moras Komplikadu

Nune’e, rezultadu ba kandidatu ne’ebé admitidu ba rejime jerál no espesiál hamutuk 3.567, feto hamutuk 3.033 no mane hamutuk 1.771.

Enkuantu, estudante ne’ebé asesu ba Universidade Nasionál Timor-Lorosa’e (UNTL) na’in-4.421 mane hamutuk 1.604 no feto 2.817, no Institutu Politéknika Betanu (IPB) total 383 feto 216 no mane hamutuk na’in-167.(mj3)

 2,230 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estudante Foun Besik 5000 Asesu Ba UNTL Tinan L…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No