Likisá (Timor Post) – Amu Parókia São João de Brito Likisá, Padre Natalino Verdial de Sousa Gama, husu ba Veteranu sira iha Munisípiu Likisá atu unidade hodi bele harii Eskola ida
Nia hatete ba veteranu sira, katak agora la’ós ona tempu atu konta istória, maibé oan sira tenke matenek.
“Imi veteranu sira-nia oan tenke matenek, kuandu lá matenek sei la ukun rai ida ne’e, ida ulun rua nia oan eskola matenek nia mak sei ukun”, nia hateten iha Igreja Likisá, Domingu (14/08).
Nia dehan, ulun rua, tanba uluk iha ida hakarak luta ba ukun rasik an no ida apoiu ba otonomia.
“Tanba ne’e ha’u husu ba veteranu Likisá nian, favór boot ida harii Eskola veteranu nian ida hodi kontinua sai liman ba Saudozu Nicolau Lobato, hanoin hatudu ba ukun an ida ne’e ”, nia hateten.
Alende ne’e, nia husu atu veteranu Likisá nian haluha tiha problema privadu no konta malu sira, haree tau hanoin hamutuk harii eskola veteranu ida iha Likisá.
Nia hatete, eskola ne’e importante atu eduka oan sira bele matenek hodi kontinua obra veteranu sira nian iha futuru.
1,952 total views, 3 views today
