DILI (timorpost.com) — Iha Aniversáriu Institutu Superior Kristál (ISC), ba dala-21, Reitór ISC, Sebastião Perreira, hatete Institutu ne’e harii iha tempu difísil.
Nia hatete, Funsionáriu husi ISC realiza Misa ohin hodi selebra aniversáriu ISC ba dala-21, ne’ebé sei monu iha loron 05 Novembru 2022.
“Institutu ida ne’e harii iha tempu ne’ebé difísil, iha momentu ne’ebá ami hetan dezafiu no osbtákulu ne’ebé ami agradese tanba lei ba Ensinu Superior iha momentu ne’ebá seidauk iha,” nia diskursu hafoin misa iha salaun Kristal Balide, Sesta (04/11).
Nia haktuir, iha momentu ne’ebá sira haruka uluk fundadór tolu mak suporta, depois sira halo gradusaun iha tinan 2005, ne’e lei mós seidauk iha, ne’ebé parte husi deputadu sira hafoin iha tinan tuir mai, sira esforsu ba Diploma sira ne’e hodi hetan legalizasaun.
Ba Institutu ida ne’e, iha akordu makaas, estudante ho dosente sira mós barak kuaze atu 4 resin. Nune’e, ISC mak bele iha klase polo sira iha Munisípiu hamutuk 3.
“Husi ne’e, kona-ba klase Polo Aileu uluk la passa, maibé ami hatama proposta fila fali iha loron 13, 14 no loron 15 agora sei ba halo assesmentu hodi nune’e hato’o ona ba amu delegadu no selebrasaun salezianu Dom bosco para lansamentu primera pedra ba ISC liuliu Amu Salejiano ne’ebé husi Jakarta halo peregrinasaun ba Ramelau, Kristál tomak ami kuaze atus 8 resin,” Reitór akresenta.
Reitór afirma tan, fila fali mai sira halo lansamentu primera pedra iha Aileu nian, antes ne’e sira haree parte Institutu Superior bolu dehan Institutu Superior Kristal hanesan loke iha dalan krime, tanba lei taka tiha mosu fila fali, lei la fó dalan.
Prova Joven legál sira loke ida ne’e mak atu loke eskola hodi hadi’a ida-idak nia vida, atu di’ak, eduka ema atu sai ema tuir moto ne’ebé dehan “Lori Edukasaun ba Ema no Lori Ema ba Edukasaun”.
Husi ne’e tuir Reitor, agora ISC iha Munisípiu Tolu ne’ebé progresu di’ak hotu iha Kristal Sentrál, aplikasaun husi akreditasaun ho valor B iha polo Baucau, B Same no B Aileu, agora ne’e iha prosesu nia laran, maibé ba tuir Reitór nia haree ba oin sei hetan rezultadu di’ak.
Iha biban hanesan, Prezidente Ezekutivu IEC-FC Agustinho Dos Santos Gonçalves, hatete ohin ISC halo tinan 21 ne’e hanesan joven ne’ebé bonito no matenek, tanba ne’e parabens ba ISC tinan 21.
“Parabens ba ita hotu liuliu estudante sira hansan ohin Padre dehan, ita lori lilin ne’e tau iha leten ne’ebé ita lori ita nia padroeiru ba Timor tomak, Parabéns mós ba Magnifiku Reitór no Prezidente Klibur Nasionál Alumni Kristál ita hotu nia hamutuk hodi halo asaun de grasa no lori ita-nia illas ba Munisípiu sira,” nia diskursu iha fatin hanesan.
Prezidente haktuir, Fundasaun Kristal-Instituisaun Kristál ne’ebé harii ona tinan 38 no agrdese ba Institutu Superior Kristál ne’ebé selebra Aniversáriu ba dala-21.
“Timor ne’e Alumni Cristal barak atu nune’e bele lidera ita-nia dezenvolvimentu ho di’ak lori paz no dame, sai lider boot la bele ko’alia barak, maibé tuir Kristu mate iha Kruz, tanba ita sarani sira. Karik bele lider sira mós mate ba povu la bele povu mak mate ba ita lider sira ne’e lori Kristu ita sai Kristu Na’i Liurai, sé mak liurai? lider sira mak Liurai entaun tenke tuir Kristu,” nia dehan.
Enkuantu Prezidente Klibur Nasionál Alumni Kristál, Jacinto Oliveira Junior, hato’o nia parabéns ba Institutu Kristal liuliu ba iha Fundasaun Kristal, ne’ebé kria ona Institutu ida ne’e, hodi hamahan estudante sira ne’ebé gradua ona hahú iha tinan 2005 to’o agora.
“Ami hanesan termu nasionál antigu alunu Kristal nian, agradese tanba produtu sira ne’ebé agora iha kuaze okupa hotu kargu importante sira, inklui mós sira ne’ebé agora hala’o kargu Profisionál sira iha ida-idak ninia área,” nia dehan.
Tuir nia hanoin katak, hahú iha tinan 21, ISC kontribui ona lubuk ida ba dezenvolvimentu país ida ne’e nian.
“Tanba ida ne’e lori Klibur Nasionál Kristal nia naran agradese no bele hetan, liuliu prinsipalmente ba Magnifiku Reitór no estrutura tomak ne’ebé durante ne’e serbisu makaas teb-tebes ba iha instituisaun ida ne’e hodi fó nafatin ita boot sira-nia kontribuisaun ho moto katak, “Lori Edukasaun ba Ema no Ema ho Edukasaun,” ne’e katak fundasaun lori edukasaun ba ema no ohin loron FC lori ona ema ba Edukasaun,” nia realsa.
Tuir observasaun Timor Post Online, partisipante iha missa ne’e husi Fundadór IEC-FC, Padre Mário Rozario SVD mak dirije missa, no dosente ho estudante sira.
2,605 total views, 3 views today
Bele hare Video Seluk :
Subscribe to Timorpost
