(Reportajen Jaime Pires/Editor Mateus da Cruz)
DILI (Timor Post)- Ministru Koordenadór Asuntu Ekonómiku (MKAE), Joaquim Amaral, rekoñese programa distribuisaun sesta bázika falla tanba kompañia barak liu hodi fó impaktu ba prossu administrasaun.
“Distribuisaun ne’e tuir laloos la’o ona iha fulan ida ka rua ba kotuk, maibé failansu iha prosesu administrasaun entaun foin atu hahú fali halo distribuisaun,” nia dehan iha Palásiu Governu, Kinta (02/06).
Nia hatete, tanba kompañia sira ne’ebé mak atu fahe sesta bázika ne’e barak liu entaun presiza haree didi’ak nia prosesu administrasaun sira ne’e tanba kada kotasaun ne’e kleur uitoan.
Bainhira iha kompañia balun maka prosesu hotu ona balun bele halo distribuisaun daudaun ona no ba sira ne’ebé mak nia prosesu seidauk hotu ne’e kontinua la’o nafatin.
“Maibé agora iha loron 6 ka loron 7 fulan neen sira sei hahú halo distribuisaun, tanba Ministru Turizmu Komérsiu no Indústria sei halo lansamentu iha loron 06 enkuantu Sekretáriu Estadu Kooperativa sei halo lansamentu iha loron 07,” nia dehan.
Nia parte seidauk hatene loloos total kompañia hira maka manan projetu fahe sasán sesta bázika tanba prosesu la’o hela maibé sira ne’ebé mak kompete atu tuir tenderizasaun ne’e liu ona atus lima.
“Sesta bázika agora ne’e nia ITM nafatin hanesan fahe Primeiru ne’e maibé agora ne’e fiksa liu ba iha produtu nasionál ninian,” Nia hakotu. (Lee notisia seluk iha Timor Post/Asesu You Tube Timor post)
628 total views, 6 views today
Bele hare Video Seluk :
Subscribe to Timorpost
