(Reportájen Florindo Coluna)
DILI (Timor Post) – Atu motiva servisu jornalista hodi kontribui ba dezenvolvimentu nasionál, Ministru Asuntu Parlamentár no Komunikasaun Sosiál (Mapkoms), Francisco Jeronimo realiza atividade konfraternizasaun ho dirijente no órgaun media iha rai laran no rai liur ne’ebé halo kobertura hela kobertura iha eleisaun prezidensiál.
“Ministériu iha ne’e hakarak konvida media hotu hamutuk halo serimónia konfraternizasaun ne’e atu ko abertura ba eleisaun Segundu Volta ne’e ho di’ak”, dehan MAPKOMS, Francisco iha serimónia konfraterniza saun iha Otél Timor, Segunda,18/04 kalan.
Partisipa iha serimónia konfraternizasaun ne’e, Diretor Jeral MAPKOMS, Prezidente Interinu Konsellu Inprensa, Diretor TIK, Dirijente media imprime, eletrónika no plataforma online Sira, inklui no reprezentante media internasional hosi nasaun vizinu Indonesia no sira seluk atu halo kobertura ba eleisaun Prezidensiál segunda Volta.
Iha seremonia konfraternizasaun ne’e MAPKOMS, Francisco Jeronimo, objetivu hosi seremonia konfraternizasaun ne’e atu motiva jornalista Sira nia servisu ne’ebe ba eleisaun primeiru ronda no atu kontinua kobertura iha segunda ronda dia 19/04 Aban.
Governante ne’e rekonese katak, iha nasaun demokrasia, papel media importante Liu ba prosesu konstrusaun estadu nian. Liu-liu iha Festa demokrasia foin lalais primeiru ronda jornalista hatudu Sira Nia kontribuisaun ho di’ak no susesu.
“Media Nia papel importante Tebes Liu hatudu ona iha eleisaun Dahuluk Lao ho di’ak no susesu”, Ministru Francisco hateten.
Tanba ne’e atual Prezidente Federasaun Futebol Timor-Leste, fiar katak media Sira sei halo kobertura di’ak iha eleisaun segundu Volta ne’e sai di’ak no ho faktu loloos atu hamate tiha informasaun falsu Sira nee.
“Tanba nee maka susesu ba jornalista hotu-hotu Hau Hein Rezultadu eleisaun ne’e jornalista Sira bele halo kobertura ho di’ak atu transmite ba publiku Tantu iha Rai laran nomos ba Rai liur hodi akompana”, Membru Ezekutivu nee hakotu.
Enkuantu Prezidente Interinu Konsellu Inprensa, Espedito Dias Ximenes, Liuhosi seremonia konfraternizasaun ne’ebe MAPKOMS organiza ne’e atu hametin Liu Tan kooperasaun ho media sira atu kontribui ba Dezenvolvimentu Sira iha Rai laran.
“Seremonia konfraternizasaun ne’e bele hametin NLiu Tan servisu jornalista Sira nian ba Dezenvolvimentu iha Rai laran”, Prezidente Interinu KI,” hateten Expedito.
Jornalista Antigu ne’e sublina, Dala Ida Tan lori konsellu impresa Nia naran hato’o agradese ba atividade ba seremonia nebe MAPKOMS oferese ona kalan Ida ne’e”
Enkuantu iha seremonia konfraternizasaun ne’e, funsionariu MAPKOMS organiza MOS seremonia hodi selebra Aniversariu Ministru Francisco Jeronimo nian, halo partisipante Sira hamriik hodi fo komprementa.(Lee Notísia Seluk Iha Jornál Timor Post/Asesu You Tube Timor Post)
813 total views, 3 views today
Bele hare Video Seluk :