Dili (timorpost.com) – Universidade Dili (UNDIL) disponibiliza vaga ingresu 2000 ba estudante foun tinan 2024.
“Ami Nia target ne’e sei simu estudante foun hamutuk 2000 ba tinan 2024, maibé agora daudaun prosesu teste foin hala’o ba estudante 120 husi total estudante 520 mak rejistadu”, dehan Vise-Reitór Hugo Lourenço da Costa, ba jornalista sira, kinta-feira (11/01), iha nia knaar fatin Maskarenhas.
Informa katak universidade kontinua loke inskrisaun ba estudante sira to fulan Fevereiru atu kompleta vaga 2000, tanba primeira faze rejistu iha de’it estudante atus lima resin mak rejistu.
“Depois de hare ba estudante sira mai rejistu barak maka ita sei halo teste iha semana ida. Ita sei hala teste ba matéria rua jerál no espesífiku iha teste eskrita no oral atu sukat sira nia kapasidade no koñesimentu”, hatutan.
UNDIL iha fakuldade neen, hanesan Fakuldade siénsia polítika, Fakuldade Direitu, Fakuldade Ekonomia, Fakuldade Edukasaun, Fakuldade Enjeñaria no Fakuldade Siénsia Saúde, ho kursu 13.
“Maioria kursu hotu ho nia nivel lisensiatura, so Fakuldade Siénsia Saúde de’it mak ho diploma trés ka D3, maibé iha ona prosesu atu hakat ba nivel lisensiatura”, konklui
1,059 total views, 9 views today
Bele hare Video Seluk :
Subscribe to Timorpost
