Dili (Timor Post)—Komisaun G, Parlamentu Nasionál (PN) ne’ebe trata asuntu Edukasaun, Juventude, Kultura no Sidadania, ohin aprova 224 artigu ba ezbosu Projetu Lei Artístika, Sintátika, Ortografia, hodi moderniza diak liu tan ba fatores hotu ne’ebe mak hola parte iha servisu komisaun G nian.
Prezidente Komisaun G, Antonio Verdial de Sousa hatete, ohin ekipa komisaun G-PN aprova projetu Lei ida kona-ba fatór importante hanesan Artístika, Sintátika, OMErtografia, ho artigu hamutuk atus-rua ruanulu-resin-haat (224), hodi moderniza diak servisu komisaun G nian.
“Komisaun G halo ona audiénsia publika ho entidade relevante sira, hanesan Ministériu Ensinu Superior Ciénsia no Kultura (MESCK), Sekretáriu estadu Kultura, Ministériu Públiku, Tribunal Rekursu, no Asosiasaun Advokasia sira, ne’ebe realiza Projetu Lei ne’e kuaze semana rua nia laran hodi diskute kona ba projetu lei ne’e”, dehan Antonio Verdial ba jornalista sira iha resintu Parlamentu Nasionál, Kuarta, (15/06).
Tuir nia, soru mutu ne’e interesante, tanba inkilina hotu ho entidade publika no privadu sira iha audiénsia kona-ba proposta Projetu Lei, iha númeru 41/V/4 kona-ba Kódigu direitu autór nian.
Komisaun G halao soru mutu ne’e, ho objetivu atu bele hetan solusaun ida atu aprova relatóriu, hodi prepara proposta kona ba projetu Lei nian antes lori kedas ba iha meza Parlamentu Nasionál hodi diskute.
Nia dehan, konteúdu husi proposta ba projetu Lei ba Artístika, Sintátika, no Ortografia ne’e, Komisaun G hatama ona proposta Lei ba iha meza Parlamentu, iha dia 3 fulan Maiu 2022, ho objetivu atu oferese posibilidade no hadi’a vida artístika sira ho produtu Husi obra orijináriu iha Timor Leste, atu bele garante vida umanu
Husi solusaun projetu ba proposta Lei ne’e, Komisaun rasik tenke aprova, hodi submete ba Prezidente PN, nune’e bele lori ba iha jeneralidade, atu entidade relevante sira bele hadi’a Lei ne’e, hodi hamosu fali Projetu ba proposta Lei ida ne’ebe pertinente, artístika, sintátika, ortográfika ne’ebe dignu. Hakotu (Lee Notísia Seluk Iha Jornál Timor Post/Asesu You Tube Timor Post)
1,492 total views, 6 views today
