Dili(timorpost.com)— Jogadór estrela Timor-Leste, Paulo Domingos Gally Freitas, hahú jogu dahuluk ho nia ekipa foun hosi Indonézia PSIS Semarang.
Gally Freitas dehan, sente kontente, tanba konsege halo ona nia jogu primeiru hamutuk ho klube foun PSIS Semarang, tanba jogu ne’e mós hanesan fasparte preparasaun ida ba nia ho ekipa.
“Ha’u sente kontente tanba horisehik ha’u konsege joga halo ha’u nia jogu dahuluk ho ha’u nia klube PSIS Semarang, hanesan faze preparasaun ida”, Gally Freitas, dehan ba Timor Post via WhatsApp, Domingu (25/06).
Nia subliña, tanba jogu ida ne’ebé horisehik sira halo ne’e, jogu Freday Match ka hanesan jogu preparasaun klube nia molok tama ba iha kalendáriu liga hodi tuir kompetisaun.
“Sim jogu horisehik ne’e hanesan jogu Freday Match, tanba ne’e ami hasoru klube hosi Cambodia ho naran Phnom Penh Crown, hanesan faze preparasaun ba ami nia ekipa no ami jogadór sira”, nia esplika.
Maibé jogu furak, tanba bele halo adaptasaun di’ak ba malu entre jogadór sira treinadór sira bele haree frakeza iha parte ne’ebé presiza hadi’a kedas molok liga Indonézia hahú.
Mane hosi munisípiu Ermera ne’e reforsa, tanba haree ba tempu badak loos ona, tanba kalendáriu ba liga ne’e sei hahú iha loron 01 fulan Jullu, tanba ne’e sira tenke buka meius hotu hodi halo presaun ho di’ak.
“Maibé ha’u nia jogu dahuluk ne’e ho rezultadu ami empate 2-2, entaun hatudu katak, ami prontu ona hodi kompete ami nia maluk sira hosi klube seluk hodi kompete iha Liga Primeiru Divizaun Indonézia tinan ne’e”, Gally hateten.
Maibé hosi nia parte indivíduu preparadu tebes ona hodi hakarak kompete lailais iha liga Indonézia tinan ne’e, tanba ida ne’e hanesan esperiénsia no oportunidade dahuluk ba nia.
2,958 total views, 3 views today
Bele hare Video Seluk :
Subscribe to Timorpost
