ADVERTISEMENT

Vizita DPR Indonézia, Aniceto-Horta Ko’alia Asuntu Estadu

Mario da Costa - Polítika
Jornalista : Mariano Abi
Editor : Mário da Costa
  • Share
Prezidente Repúblika, José Ramos Horta ho Presidentes Parlamentu Nasionál, Aniceto Guterres, halo Audénsia regular iha PN, Kuarta (17/08), Imajen TP/Mariano Abi

Dili (Timor Post) — Atu vizita ba DPR Repúblika Indonézia, Prezidente Parlamentu Nasionál (PPN), Aniceto Guterres, simu Prezidente Repúblika (PR), José Manuel Ramos Horta, hodi ko’alia asuntu Estadus nian.

Tuir Prezidente PN, nia parte ho Xefe Estadu sira iha audénsia hanesan bai-bain.

ADVERTISEMENT
SCROLL FILA BA NOTISIA


“Ha’u mak husu audénsia, maibé Xefe Estadu mak deside mai direta iha Parlamentu, aproveita mós vizita no haree kondisaun Parlamentu nian”, nia hateten iha resintu PN, Kuarta (17/08).

Nia dehan, nu’udar Xefe Estadu, hakarak no husu reuniaun iha ne’ebé de’it, enkuantu nia nu’udar Prezidente Parlamentu, laiha kompeténsia atu dehan lae.

“Portatntu restu husi substánsia iha reuniaun ne’e, ami audénsia bai-bain ko’alia ona asuntu Estadu nian, liuliu tanba loron rua tan, ha’u ho delegasaun ida atu ba Indonézia, hodi ba vizita DPR Repúblika Indonézia,” nia informa.

Lee Mós :
Xefe Suku Fatuhada Preokupa Loron Eleisaun Konsellu Suku

Iha fatin hanesan Prezidente Repúblika, José Manuel Ramos Horta, hatete Prezidente PN atu halo vizita ba Jakarta, ho mós Parlamentu Indonézia, no ko’alia buat balu, no briefing kona-ba relasaun estadu rua ne’e.

“Folow Up ba vizita ne’ebé ha’u halo, hanesan horisehik ha’u hasoru Ministru Fidelis, kona-ba molok atu ba Jakarta, depois liu ba Roma, ho Ministru Finansas, Rui Gomes, no Ministru Juaquim Amaral, presizamente para haree oinsá halo seguimentu folow up ba akordu ne’ebé Timor-Leste halo iha Indonézia foin daudaun. Nune’e oinsá Timor-Leste bele hahú prepara atu halo folow up ba proposta ne’ebé Prezidente Joko Widodo halo,” nia relata.

Em termos de atu harii no kria arke-indústria ba iha Fronteira Timor-Leste ho NTT, no hodi halo mós zona Komérsiu livre ba iha RAEOA ho kilometru 10 tama territóriu Indonézia no mós kilometru 10 sei tama ba iha RAEOA.

Lee Mós :
PR Horta La Partisipa Semináriu Federal Insurance

“Tanba Prezidente Joko Widodo, nia la’ós ema ida ne’ebé ko’alia de’it, maibé nia ko’alia, no simu ideas ne’e no nia hakarak haree implementasaun. Tanba prosesu ne’e sadere ou rabat ba territóriu Indonézia NTT, entaun Governur NTT mós nia ansi mós atu haree oinsá ita atu hahú ko’alia konkretu ona kona-ba prosesu rua ne’e,” Xefe Estadu informa.

Husi ne’e, Xefe Estadu mós ko’alia ona ho Ministru na’in-tolu, no halo briefing ba Prmeiru Ministru, iha semana kotuk, sei ko’alia mós ho Eis Primeiru Ministru, Marí Alkatiri.

Alende ne’e mós aban Xefe Estadu, hasoru maun boot Xanana Gusmão iha reuniaun regular, sei halo briefing ba nia tanba buat sira ne’e kestaun Estadu, no interesse mós ba Timor nia dezenvolvimentu, ekoknomia, modernizasaun, ne’ebé Timor-Leste besik atu tama ona ba ASEAN, ho ida ne’e, se Timor-Leste la halo buat ruma ho kreatividade, depois Timor-Leste mak sei iha ikun liu.

Lee Mós :
Prezidente Horta Hametin Relasaun Esterna ho Nasaun Viziñu

“Ne’e duni ha’u maka halo briefing ba Prezidente PN, karik sira-nia kolega sira ne’ebá konfuzaun, ida ne’e Parlamentu Indonézia sei fó apoiu,” nia dehan.

Nia subliña, ida fali maka Prezidente mós ko’alia ho kolega sira iha Parlamentu iha Indonézia kona-ba inisiativa Fraternidade Umana. Timor-Leste primeiru Estadu ne’bé liuhusi Parlamentu, adopta rezolusaun Parlamentu ninian kona-ba fraternidade umana dokumenta Amu Papa.

Portatanu ne’e inisiativa di’ak ida ba Prezidente Parlamentu Timor nian halo iha loron 19 fulan Maiu ne’e, kuandu Parlamentu adopta rezolusaun kona-ba deklarasaun fraternidade umana, ida ne’e inisiativa amu Papa ho Grand Imam.

 3,933 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Vizita DPR Indonézia, Aniceto-Horta Ko’al…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No