DILI—Komísiu Eleitorál Partidu Kmanek Haburas Nasional Timor Oan ( KHUNTO), realiza atividade kampaña ikus iha Munisípiu Dili iha area Tasi-tolu, iha loron Sesta (12/05), la’o ho susesu, maibé hafoin kampaña rejista insidente militante KHUNTU nain-4 sofre kanek tanba hetan tuda hosi ema deskoñesidu.
Tuir komandante Polisia Nasionál Timor-Leste (PNTL) Munisipiu Dili, Superentidente xefe Polisia Natérsia Eufrásia Soares Martins hatete, horsehik loron Sesta (12/05l partidu politiku husi Kmanek Haburas Nasional Timo Oan ( KHUNTO) halo kampaña ikus iha Munisípiu Dili, remata iha oras tuku 05:30 lokraik.
Komadante Natersia hateten, hafoin atividade kampaña husi partidu politiku KHUNTO remata, maibe parte polisia kontinua halo seguransa husi Sede Fretelin too iha area eskola 30 de Agusto.
” Hafoin iha oras tuku 08:20 kalan ita simu informasaun katak Militante, Apoiantes no simpatizantes husi partidu politiku KHUNTO hetan tuda husi ema deskonesidu iha area Eskola 30 Agusto Komoro, Postu Administrativu Dom Aleixu, Munisipiu Dili, hafoin ita too iha fatin akontesementu, maibe la iha ema ida no la iha ema ida mak halo movimentu iha area refere,” dehan Komadante PNTL Munisipiu Dili, Superentidente xefe Polisia Natérsia Eufrásia Soares Martins ba jornalista sira iha Kuartel Jerál PNTL Kaikoli, Sabado (13/05).
Superintendente Xefe Polisia Natérsia Eufrásia Soares Martins hatete hafoin horikala simu informasaun, primeiru komunika ba membru sira neebe mak halo seguransa iha area sede Fretelin too iha eskola 30 de Agusto, maibe membru sira la hare konfrontu ka ema ruma tuda malu iha area refere.
“Tuir informasun ita simu no ekipa tun iha treinu halo verifikasaun militante husi partidu politiku KHUNTO nain-haat mak hetan kanek kaman hafoin hetan tratamentu alta no ida seluk sei kontinua halo tratamentu,” dehan Komadante Natersia Soares.
Komadante PNTL Munisípiu Dili nee hateten, vitima sira iha, tanba nee hein hela vitima sira rekopera tiha, hafoin buka informasaun kona ba kazu refere, akontese duni iha area eskola 30 Agusto Komoro ho lae.
“Maibe, informasaun neebe ita hetan depois vitima iha ona Ospital ita sei nafatin halo ita nia servisu hodi rekollha infirmasaun iha treinu, para ita junta took mais menus akontesementu nee akontese duni iha neeba ka lae, maibe prosesu ita halo no buat hotu-hotu ita hatama ona autos, prepara para atu entrega ba iha Ministeriu Publiku,” nia dehan.
Komadante ne’e haktuir, Kona ba suspeitu ba kazu ne’e seidauk hatene lolos, tanba horikala, hafoin simu orienta, parte komandu orienta kedas patroliamentu ba iha fatin, maibe la hetan ema halo movimentu no la iha ema ida iha fatin neeba, para husu informasaun, maibe parte PNTL kontinua nafatin buka informasaun no nunee mos hein hela vitima sira rekopera hafoin bele hatene akontese iha area ne’ebé.
Enkuantu komandante Natérsia haktuir tan, kazu ne’e akontese iha oras tuku 08:15 kalan, tanba ita simu informasaun iha 08:20, partidu KHUNTO atividade kampaña remata pas oras 05:30, militante sira hahu ona difine iha atividade kampaña husi partidu politiku atu ba sira nia hela fatin ida-idak, tanba ita konsidera kazu akontese ne’e fora husi atividade ne’e, signifika katak momentu ida ne’e ita normaliza ona.
Aleinde nia dehan, kazu refere deskofia laos akontese tanba konfruntu, tanba fatin akontesementu la iha evidensia ruma, fatin hakmatek los, tanba iha altura neeba iha seguransa no mos iha patroliamentu, tanba Militante nain-4 kanek nee laos konfruntu.
3,164 total views, 6 views today
Bele hare Video Seluk :