Dili (Timor Post)—Sekretáriu Estadu Kooperativa (SEKOOP) realiza Semináriu nasionál kona-ba ekonomia kriativu no ekonomia diversifikasaun ba dirizenti, funsionáriu ba kargu xefia iha SEKOOP nian.
Tuir Sekretáriu Estadu Kooperativa (SEKOOP), Elizáriu Ferreira hatete ohin sira realiza semináriu nasionál ida ne’e, hodi haree ba ekonomia kriativa no ekonomia diversifikasaun iha rai laran.
“Ami realiza Semináriu nasionál ida ne’e kona-ba ho tema ekonomia kriativu no diversifikasaun tanba orientasaun husi Oitavu Governu nian maka polítika ida ne’ebe mak investe ba ekonomia naun petrolífera”, nia hateten hafoin remata semináriu iha salaun katedrál, Vila Verde, Kinta (30/06).
Tanba ne’e SEKOOP nu’udar kooperativa ekonómiku terseira, ne’ebe mak fó importánsia ba dezenvolvimentu umanu no dezenvolvimentu ekonomia iha area rurais maka hanesan agríkola pekuária, peska no seluseluk tan.
“Semináriu ida ne’e ho prezensa husi universidade Bandung, hodi ko’alia kona ba ekonomia kriativa no ekonomia diversifikasaun ba direjenti, funsionáriu no kargu xefia sira iha SEKOOP nian, atu nune’e sira bele iha referénsia hodi ba baze no hala’o edukasaun, formasaun no fahe informasaun ba ita nia dirizenti ba sira movimentu kooperativa iha baze”, nia dehan.
Nia hatutan atu nune’e sira bele asesu finanseira ne’ebe mak kooperativa iha, no mós ba membru kooperativa ne’ebe mak seidauk atu asesu finanseiru no sira investe iha area produtiva ne’ebe mak agora daudauk la’o hela iha rai laran.
1,512 total views, 3 views today
Bele hare Video Seluk :