ADVERTISEMENT

Família Hein Rezultadu Autópsia ba Riando no Orlando

Mario da Costa - Ainaro · Dili · Raeoa
Jornalista : Beatriz Belo
Editor : Mario da Costa
  • Share
Família sira haleu Hela Mate isin, Riando Falo ho Orlando Martins nian iha HNGV, Sábado (18/02/2023), imajen TP/Beatriz Belo

DILI (timorpost.com) – Mediku Hospital Nasionál Guido Valadares (HNGV), entrega ona Joven Na’in-2 ne’ebé mate hafoin halo peregrinasaun ba foho Ramelau, ba família atu halo prosesu fúnebre tuir lisan Rejiaun Administrativu Espesiál Oe-kusse Ambenu (RAEOA) nian.

Reprezenta família husi matebian, Marcelo da Rosa, informa sira simu ona mate-isin Riando Falo ho Orlando Martins hosi Mediku Hospital Nasionál Guido Valadares (HNGV).

ADVERTISEMENT
SCROLL FILA BA NOTISIA


“Rezultadu autópsia bazikamente halo verifikasaun simples ida ba korpu mate isin nian, atu nune’e ita hatene katak karik mate ne’e kausa hosi saida, maibé ita hein sei iha prosesu laran,” dehan família matebian iha Mortuáriu Hospital Nasionál Guido Valadares, Sábadu (18/02/2023).

Nia dehan, ema hotu hatene katak prosesu autópsia hanesan ne’e, sei iha dezenvolvimentu, enkuantu rezultadu sai foin públiku sira bele hatene, maibé daudaun ne’e sei iha prosesu nia laran.

Lee Mós :
Atleta NTT Na'in-5 Kompete iha Dili Internasionál Maratona

“Prosesu autópsia ne’e, horsehik Sesta (17/02/2023) mais menus iha oras tuku 02:00 lokrais to’o remata no ohin entrega ona mai ami família,” nia dehan.

Nia hatutan, matebian rua agora lori kedas ba iha sira-nia moris fatin Oe-kusse, liuhusi via terreste.

“Matebian rua ne’e, dala-ruma to’o iha ne’ebá hakohi kedas, tanba ita rai kuaze semana ida ona, hanesan ita boot sira hatene no to’o ita rai oras ida nia laran, depois ita halo prosesu fúnebre,” nia afirma.

Alende ne’e nia dehan, relasiona ho atu halo investigasaun ba nia kolega sira ne’ebé sira hasai foto hamutuk ne’e, nia parte hatete la bele indika kualker ema ida, maibe ida família fó ba PNTL mak sei halo prosesu ne’e.

Lee Mós :
Julgamentu Kazu Pedofilia Kontinua Aban, Xanana ho Eis Padre Amerikanu Fahe Malu Hafoin Sai husi Tribunal Oekusi

“Ita lakohi atu halo espekulasaun husik ba autoridade kompotente sira mak sei haree ida ne’e, tanba ida ne’e faze dezenvolvimentu prosesual nian, depois mak sira sei halo,” nia dehan.

Nia haktuir, momentu parte família foti mate isin iha fatin akontesimentu ne’e, konserteza iha sinais balun iha matebian sira-nia isin, tanba ne’e husik ba autoridade kompotente sira halo servisu ida ne’e.

“Ita-nia matebian rua ne’e, Remata ona eskola sekundariu, Riando Falo, remata iha tinan 2022 iha eskola Portugés Oe-kusse no Orlando Martins, remata iha tinan 2021 iha esakola Santos Antonio Oe-kuse, nain rua mai iha Dili, hodi mai tuir kursu, Orlando Martins kursu iha EDTA no Riando Falo kursu iha IOB,” nia konta.

Lee Mós :
Rekrutamentu Traballadór ba Qatar Iha Prosesu Trata Visa   

Enkuantu tuir Observasaun Timor Post iha terenu iha oras tuku 08:30 parte husi Mediku HNGV Entrega Mate Isin ba família hodi lori ba Oe-kusse.

Nune’e fó hanoin hikas, katak joven na’in-rua, Riando Falo ho Orlando Martins, ne’ebé lakon ona vida, halo peregrinasaun ba Na’in-Feto Ramelau iha loron 8 Fulan Fevereiru.

 2,047 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Família Hein Rezultadu Autópsia ba Riando no Or…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No