AILEU (timorpost.com) – Sekretáriu Estadu Kooperativa (SEKoop), hamutuk ho Movimentu Kamponezes Timor-Leste (MOKATIL) Munisípiu Aileu, halo lansamentu ba kuda Bafo Kay Rala iha nivel munisípiu no mós kuilleta modo iha área produtu hortikultura.
“Programa ida ne’e mós hola parte iha prioridade IX Governu Konstitusionál nian,” husi Sekretáriu Estadu kooperativa (SEKoop), Arsénio Pereira da Silva hateten iha Aileu, Domingu (13/08).
Kooperativa agríkola, liuliu kona-bá Produsaun Panífikasaun (produz paun), mai husi matéria prima hanesan, Bafo Kay Rala, sentenas, ai-farina no seluk-seluk tan.
Tanba ne’e husu ba Kamponezes sira, atu habarak liu tan produtu Bafo Kay Rala, foos, fore oi-oin no hakiak animal, hodi oferese ai-han ba programa merenda eskolár no ema moras sira iha Ospitál.
“Ha’u hakarak enkoraja nafatin imi, atu badinas, organiza malu, kontinua servisu hamutuk no produz nafatin,. Tanba liuhusi ita nia atividade produtivu sira mak bele muda ema nia vida moris,” Arsénio dehan.
Governu kontinua buka demanda merkadu, inklui buka dalan hodi esporta ba rai li’ur, kuandu produsaun surplus.
Iha tempu hanesan, Prezidente MOKATIL Munisípiu Aileu, Januário Araújo Ximenes, agradese ba SEKoop, tanba bele vizita hodi hatene progresu no problema durante.
7,755 total views, 3 views today
Bele hare Video Seluk :
Subscribe to Timorpost
