PR Seidauk Simu Projetu Lei Subsídiu ba Deputadu Sira

DILI (timorpost.com)—Prezidente Repúblika Jose Ramos Horta hatete to ohin loron seidauk simu projetu lei kona ba subsídiu deputadu/a liga ba transporte ho valor 1.600 USD no Saúde valor 600 USD kada fulan.

“Ha’u too agora seidauk simu no hein hela proposta kona ba projetu lei ba subsídiu ba deputadu/a sira foin lalais sira aprova iha Parlamentu Nasionál ne’e,”  dehan Jose Ramos  ba Jornalista sira hafoin remata enkontru ho Diretór CLN ho nia funsionáriu sira iha Bebora, Kuarta (13/12).

Laureadu Nobel da Paz ne’e haktuir, subsídiu ne’e tenke mai husi Orsamentu Jerál Estadu, maibé too agora Prezidente Repúblika rasik seidauk simu lei ne’e rasik.

“Bain-bain subsídiu ruma ne’e tenke mai husi Orsamentu Jerál Estadu, ha’u seidauk hare ida ne’e no seidauk simu lei kona ba subsídiu ne’e rasik,” Haktuir Prezidente Horta.

Aleinde Xefe estadu ne’e hatete, tanba ne’e liga ho ida ne’e nia parte hein de’it bainhira mak sira bele submete ba nia.

“Liga ho ida ne’e ha’u hein bainhira mak Orsamentu Jerál Estadu mai iha ha’u nia meza leten, atu nune’e bele hare  hafoin promulga ou veta,” nia hakotu.

 1,026 total views,  3 views today

Oinsa Ita nia Reaksaun iha Notisia Nee?

You have reacted on “PR Seidauk Simu Projetu Lei Subsídiu ba Deputad…” A few seconds ago

Subscribe to Timorpost

Sorry, there was a YouTube error.