DILI, (timorpost.com) – Reasaun Primeiru Ministru (PM), Kay Rala Xanana Gusmão, ba eknum pesoál balun ne’ebé tuda rahun tiha vidru edifísiu Gabinete Frontéira Marítima iha Palásiu Governu, ohin dader, loron 13 fulan-Dezembru tinan 2023
“Ha’u husu deskulpa dala ida tan kona-ba situasaun horseik, i povu tomak ita-boot sira bele fiar karik, ha’u fila iha Parlamentu ida-ne’e, ha’u sei la hasai liafuan ida kona-ba distrintu deputadu sira ne’ebé povu maka hili, la’os ami, ami povu la hili ida, hili maka distintu deputadu sira. Ida ne’e kauza halo ema reasaun ba tuda gabinete maritima nian ne’e ho ha’u, ha’u simu todan ida ne’e, ha’u simu sala nain boot ida iha mundu ne’e”, Xefe Governu Konstitusionál da-IX, Kay Rala Xanana Gusmão, hato’o ba deputadu sira liuhosi debate jeneralidade ba proposta OJE 2023 iha uma fukun Parlamentu Nasionál.
Xefe Governu hatutan “Ha’u husu dala ida tan, nu’udar sala nain boot ida iha Timor, beik teen boot, ha’u beik tebes-tebes”.
Tanba ne’e nu’udar Xefe Governu, Xanana husu deskulpa dala ida tan ba povu tomak ba situasaun ne’ebé akontese iha horseik, Tersa,(12/12) iha uma fukun PN, no karik povu fiar nafatin mak sei la repete tan iha debate sira ne’ebé halo iha tempu oin mai.(*)
1,416 total views, 6 views today
Bele hare Video Seluk :
Subscribe to Timorpost
