ADVERTISEMENT

Bascolau Buka Osan hosi Pinera Rai-Henek 

Mario da Costa - Ekonomia
Reportajen : Ermelinda Caet
Editor : Mário da Costa
  • Share
Bascolau Meta, Imajen TP/Ermelinda Caet

Dili (timorpost.com) – Bascolau Meta, husi Munisípiu Vikeke, agora hela iha Suku Komoro, Aldeia Moris foun C, deside buka osan liuhusi pinera rai-henek iha mota laran hodi sustenta nesesidade família.

Nia hatete, kriatura maromak nian ne’ebé hela iha rai nia leten ida-idak ho vontade no badinas rasik, iha ema balu moris di’ak no balu moris iha terus no susar nia laran, maibé ida-idak responsabilidade ba nia moris.

ADVERTISEMENT
SCROLL FILA BA NOTISIA

“Ha’u hakat husi uma hodi mai pinera rai-henek iha mota laran ne’e hahú husi tuku 3:00 madrugada, iha tuku 12:00, ha’u fila ba uma hodi han, depois tuku 3:00 ha’u mai fali hodi kontinua servisu pinera rai-henek to’o tuku 5:00 ka 6:00 maka ha’u foin fila fali ba uma”, nia dehan ba Timor Post online iha Área mota laran Komoro, Domingu (04/12).

Lee Mós:
Embaixadora TL ba Austrália Aprezenta Kompaña Thomas Food Internasionál ba SEFOPE

Nia konta, pinera rai-henek ne’e ema mai sosa, nia kontratu kedas ho karreta sira no dala-ruma ema mai kedas ho karreta hodi tula.

“Ha’u pinera rai-henek, dala-ruma udan mota lori tiha, entaun ha’u pasiensia aban pinera fali,” nia hateten.

Nia esplika, atividade ida ne’e nia sente labaruk no kolen, tanba hakarak hetan dolar (osan) hodi hakaman no haforsa nesidade uma laran, maski pinera de’it iha loron manas maibé nafatin mantein iha ne’e.

Lee Mós:
Aprezenta Polu Dezenvolvimentu Baukau-Batugadé ba PM

Nia haktuir, loron tomak ida nia bele hetan 15 ka 20 USD husi nia atividade pinera rai-henek ne’e, ne’ebe osan sira ne’ebé hetan husi ne’e atu sustenta nesesidade uma laran no oan sira-nia Eskola.

Servisu Na’in ho idade avansadu ne’e, iha oan na’in-6, maibé sei Eskola iha Ensinu Báziku Filial hotu.

“Osan sira ne’ebé ha’u hetan husi atividade pinera rai-henek ne’e ha’u sente lato’o ba nesesidade uma laran, maibé ha’u mantein nafatin ho servisu ne’ebé ha’u halo ne’e,” nia afirma.

Lee Mós:
Eskola Marcelo 02 Komoro Realiza Serimónia Despedida ho Alunus Finalista

Nia hatutan, pinera rai-henek ne’e tenke pasiensia tanba dala-ruma karreta la mai tula, hein fali aban, se aban nafatin la mai hein bain-rua, ne’e mak vida moris iha mota laran ne’e.

Portantu servisu na’in nafatin iha esperansa hodi buka osan liuhosi dalan ne’e hodi bele sustenta moris no garante oan sira-nia futuru.

 928 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Bascolau Buka Osan hosi Pinera Rai-Henek “ A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: