ADVERTISEMENT

AAC-TL Prende Osan Hosi Partidu Khunto Iha Aeroportu

Mario da Costa - Jeral
Jornalista : Jaime Pires
Editor : Mario da Costa
  • Share
Vise-Ministru Justisa, Edmundo Caetano, Imajen TP/Jaime Pires.

DILI (timorpost.com) – Autoridade Aviasaun Sivíl Timor-Leste (AAC-TL), Tersa (04/10), prende osan hosi Partidu Kmanek Haburas Unidade Nasionál Timoroan (Khunto), nian iha Aeroportu Internasionál Prezidente Nicolau Lobato Komoro.

Vise-Ministru Justisa (V-MJ), Edmundo Caetano, hatete osan ne’ebé Autoridade Aviasaun Sivíl Timor-Leste, prende iha Aeroportu ne’e, Partidu Khunto nian atu lori ba sosa atributu Partidu.

ADVERTISEMENT
SCROLL FILA BA NOTISIA


“Osan ne’e estrutura Partidu mak haruka sidadaun na’in-tolu ne’e atu lori ba iha Indonézia atu sosa atributu Partidu nian, tanba agora tempu kampaña besik ona,” nia hateten iha Parlamentu Nasionál, Kuarta (05/10).

Nia dehan, nia parte hanesan membru Governu ida ne’ebé mai husi Partidu Khunto, hakarak esplika, osan partidu nian, la’ós ema individu nian.

Lee Mós :
Isin Mate Francisco Iha Ona Singapura, Domingo Too Timor

“Osan ne’e prende tanba fallansu iha Administrasaun, tanba tuir ita-nia Lei kuandu atu lori osan fíziku ho montante rihun 10 USD, ba leten tenke halo deklarasaun, maibé ita-nia estrutura sira iha Partidu balun la komprende lei, entaun haruka de’it ba, falansu ida ne’e de’it,” nia informa.

Nia reforsa, nia parte dúvida fali dehan, aplika fali brankamentu kapitais ka (pencuci uang), se nune’e, nusa mak sidadaun na’in-tolu lori osan ne’e sira husik fali kontinua ba Indonézia, enkuantu osan de’it mak sira prende, entaun buat balun laloos no intensaun balun.

“Maibé sorte boot Partidu Khunto ba deklara dehan osan ne’e sira nian, tanba ne’e tuir loloos falla Administrativu de’it la’ós krime, se krime nusa mak ema na’in-tolu husik tiha fali kontinua ba Indonézia, osan de’it mak sira prende,” nia lamenta.

Lee Mós :
Kongresu KHUNTO Sei Limite Militante Kontra Partidu

Nia dehan, PSIC sei halo identifikasaun hodi entrega ba Ministériu Públiku, atu nune’e durante loron tolu nia laran tenke foti desizaun osan ne’e mai husi ne’ebé.

“Maibé ha’u kestiona parte jurídiku, tanba tuir loloos ida ne’e la tama ba iha brankamentu kapitais, tanba ema na’in-tolu ne’ebé lori osan ne’e sira husik tiha fali no lori de’it osan rihun 10 USD, maibé osan restu ne’e rai hela de’it iha AAC-TL, agora lori ba tau ona iha PCIC,” nia subliña.

Lee Mós :
PM Taur Husu MOP Investe iha Ekipamentu hodi Hakman Servisu

Nia hatete, Partidu Khunto ho inisiativa deklara ona osan ne’e partidu nian, entaun ne’e fallansu Administrativu de’it, agora sira husik tiha fali suspeitu lori osan ne’e mak dehan fali Brankamentu kapitais ne’e labale.

Atu hakotu nia dehan, osan ne’ebé estrutura Partidu Khunto deside fó ba sidadaun na’in-tolu atu lori ba sosa atributu Partidu nian iha Indonézia ne’e, ho montante 130.000 USD.

 2,785 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “AAC-TL Prende Osan Hosi Partidu Khunto Iha Aero…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No