DILI (timorpost.com) — Vise Ministeriu Negósiu Estranjeiru Kooperasaun (V-MNEK), Julião da Silva, hatete Timoroan nia kontribuisaun remitings ba nasaun ida ne’e boot tebe-tebes.
“Ita hotu hatene katak, depois tinan 2019, relatoriu hatudu husi Banku Mundiál no mós Banku Sentrál nian, ita-nia Timoroan sira ninia kontribuisaun remitings ba ita-nia país ne’e boot tebe-tebes,” V-MNEK Julião dehan iha salaun VIP Aeroportu Internasionál Nicolau Lobato Komoro, Segunda (12/09).
Nia dehan, primeiru kontribuisaun ba Timor-Leste nia remitings mak, mai husi Fundu Petrolifeiru, segundu mak fundu mai husi Kafé, terseiru mak, mai husi Timoroan sira ne’ebé serbisu iha Rai li’ur, kuatru mai husi reseita domestika.
“Mais depois tinan 2019 tesik mai agora to’o iha tinan 2021, primeiru reseita ne’ebé kontribuisaun ba ita-nia pais maka kontinua nafatin husi ita-nia fundu petrolifeiru, no ita-nia Timoroan sira ne’ebé serbisu iha Diaspora. Iha tinan 2021 kontribuisaun husi reseita por volta dólar amerikanu 171 milões ne’e boot liu kafé nian,” V-MNEK Julião relata.
Entaun hanesan hotu-hotu haree ba iha asuntu hanesan ne’e, Governu mai ho polítika ida iha VIII Governu Konstitusionál, atravez Primeiru Ministru, Taur Matan Ruak, hanoin hodi estabelese V-MNEK Julião da Silva, nu’udar Sekretáriu Estadu ba iha komunidade Timoroan sira iha exterior ou Diaspora nian.
“Atu oinsá ita bele liga diretamente ho ita-nia Timoroan sira ne’ebé iha exterior ou Diaspora, ne’ebé hala’o atividade ekonómiku iha ne’ebá, para oinsá husu sira mós bele promove ita-nia produtu ne’ebé iha,” V-MNEK Julião dehan.
Ikus nia dehan, ho razaun ne’e, PM Taur nia hanoin katak, serbisu ne’e sei ligadu ho Ministeriu Negósiu Estranjeiru.
3,930 total views, 3 views today
Bele hare Video Seluk :
Subscribe to Timorpost
